مدرسة فالدروف نظام تربوي شامل
في كثير من أنظمة التعليم المختلفة واللي بتتبناها كثير من المدارس والمؤسسات التعليمية، واللي تعتبر هي حجر الأساس لمنهج تعليمي للتلاميذ والطلاب، واللي بتتلائم مع القدرات الذهنية ليهم، والأهداف اللي بتقوم بوضعها الوزارات في المقررات الدراسية.
ومن بين كل الأنظمة التعليمية الكتير هنقدملك نظام تعليمي قديم وهو نظام مدرسة فالدروف، واللي ما زال موجود حتى الآن في كثير من المدارس الخاصة في العديد من الدول حول العالم، واللي هنوضحلك من خلالها أهم المبادئ اللي بتتبناها المدرسة كمتعلم أو معلم، وده علشان نرفع مستوى التعلم.
ما هي مدرسة فالدروف؟
مفهوم مدرسة فالدروف مش بالضرورة أنه بيقتصر على الناس اللي خارج دائرة التعليم، وده لأنه في كثير من المدارس بتتبني التعاليم والفلسفة والنهج للتعلم، ومن بين المدارس دي بتخرج لنا مدرسة بتتبني وتقدم نظام تربوي، وده لأنها بتقدم منهج يفوق الخيال في عملية التعلم،وبتقوم بتطوير الطلاب بطريقة شاملة، وده لأنها مش بتقتصر على التنمية الفكرية بس، ولكن بتقدم مهارات فنية.
أسنان الطفل .. ما هي الطريقة الصحيحة للحفاظ عليها؟
من هو مؤسس مدرسة فالدروف ونموذج فالدروف التعليمي؟
نموذج فالدروف أو زي ما بيطلق عليها في كثير من الأوقات نموذج شتانير، بناء على فلسفات مؤسسه، وهو فيلسوف وكاتب نمساوي، واللي قام بتطوير نوع من الفلسفة ، الفلسفة ده اشتهرت بأنها فلسفة علم الإنسان، والفلسفة دي بتقول علشان تقدر تفهم طريقة عمل الكون لازم في البداية تكون قادر على فهم البشرية.
ولد الفيلسوف شتانير في 27 فبراير لعام 1861 في كرواتيا، وكان واحد من أهم الكتاب المعروفين بأنه لهم انتاج كبير، وده لأنه كتب أكتر من 330 عمل، وشتاينر ركز في فلسفته على أن مراحل تطور الطفل بتم على ثلاث مراحل أساسية، وركز على احتياجات كل مرحلة على حده في التعاليم.
افتتاح أول مدرسة والدروف
فتحت أول مدرسة لفالدروف في شتوتغارت في ألمانيا في سنة 1919، والمدرسة تم افتتاحها بناء على طلب تم تقديمه من إميل مولت، وهو مالك لشركة سجائر، وكان الهدف من افتتاح المدرسة دي أنها تفيد الطلاب العاملين في مصنع السجائر.
تعليم الحروف الابجدية الانجليزية للأطفال بالطريقة الصحيحة
الغريب في الموضوع أنه المدرسة نشأت في وقت قياسي، والأغرب من كده أنها لم تحتاج لوقت طويل وبدأت العائلات اللي ملهاش أي علاقة بشركة السجائر بأنه تبعت أطفالها للمدرسة، وفي مرة تحدث شتانير عن مدرسته في مؤتمر في جامعة اكسفوردفي عام 1922 م، وكانت المرة الأولى التي يتحدث فيها عن مدرسته بعد أن أصبحت معروفة على نظاق واسع.
وفي عام 1928 في ثلاثينيات القرن الماضي انتشرت الكثير من المدارس التي تتبع نفس فلسفة مدرسة فالدروف في ثماني دول حول العالم.
ما هي الأعمار التي تخدمها مدارس فالدروف
تركز مدارس فالدروف على ثلاث مراحل مختلفة لتطور الطفل، بتبدأ من مرحلة الطفولة واللي بتعرف عنده بمرحلة الإرادة وبتبدأ من سن الولادة وحتى سن 7 سنين، بعد كده مرحلة المشاعر واللي بتكون من سن 7 سنوات وحتى 14 سنة إلى أن يصل للمرحلة الثالثة وهي مرحلة العقل والتفكير واللي بتبدأ من عمر 14 سنة حتى 21 سنة.
تركز المرحلة الأولى من عمر الطفل على النمو الجسدي والتعليم بشكل سريع واللي بتكون من خلال اللعب الابداعي، والمحاكاة والتقليد واللعب وكمان الأنشطة العملية والعلمية، واللي بتكون في مرحلة مبكرة من الطفولة، والتعليم خلال السبع سنين الأولى من عمر الطفل بيكون ليها دور كبير، وده لأنها بتستمر معاه طول عمره.
أما المرحلة التانية فتركز على تعليم التعبير الفني لطفلك، والقدرات الاجتماعية، أما بالنسبة للمرحلة الثالثة والأخيرة بيتم فيها انضمام الطلاب اللي بياخدوا وقت طويل في التفكير الناقد، وكمان التفهم العاطفي لمواد الفصل الدراسي، وطبعا مع مرور الوقت يصبح طفلك ناضج، وتصبح عملية البحث أكثر تركيز، وتصل إلى أعلى مستوياتها في الدراسات العليا.
كيف يكون الطالب في مدرسة والدروف
في النوع ده من المدراس هتلاقي أن المعلمين بينتقلوا مع طلابهم بين الصفوف الابتدائية، وتنقل المعلم مع طلابه بيخلق عندهم حالة من الاستقرار والأمن، والهدف من النموذج ده هو أن تنقل المعلمين مع طلابهم بيديهم الفرصة لفهم هؤلاء الطلاب، وده لأنه بيمكنهم كيف يمكنهم تعليم الاطفال داخل الفصل، وأيه هي الطريقة اللي بيستجيبوا لها في التعلم.
تطبيق أنشطة مونتيسوري مع الأطفال فى المنزل
ويعتبر الفن والموسيقى هي المكونات الأساسية في التعليم، وده لأنه طريقة تعليم التعبير عن العاطفة والتفكير بيتم تدريسها من خلال الموسيقى والفن، وفيها مش بس طفلك بيتعلم طريقة اللعب بأدوات الموسيقى المختلفة، ولكن بيتعلم كتابة الموسيقى.
عدد مدارس فالدروف اليوم
النهارده في أكثر من 1000 مدرسة والدروف مستقلة حول العالم، معظمها بيركز على تعليم الأطفال في المرحلة الأولى من النمو، والـ 1000 مدرسة دول موزعين في 60 دولة مختلفة حول العالم، واشتهر منهج والدروف وحصل على شعبية كبيرة في كتير من البلدان الأوربية، وده لأنه أثر على الكثير من المدارس العامة في مختلف الدول، ده غير أن مدارس والدروف الأوربية بتحصل على تمويل من الدولة.
كده يكون انتهينا من مدرسة فالدروف والنظام التعليمي الشامل لها، وده بعد ما ذكرنا ماهي هذه المدراس، ومين اللي أسسها، وأول مدرسة تم افتتاحها، وعدد مدارس والدروف اليوم حول العالم.
يعد ما تعرفتي على مدرسة فالدروف وأهم مميزاتها، هل تحبي تدخلي ابنك في مدرسة بتطبق منهج فالدروف؟.
كتبت: شيماء عبدالباقي
