كيف تختارين أسلوب التربية المناسب للطفل
بمجرد أن تعرف الأم أنها حامل ويبدأ طفلها يتحرك داخلها ينشغل بالها كيف يمكنها تربية طفلها تربية سليمة، وما هي الطرق المناسبة للتربية دون أن يحدث للطفل تدليل زائد أو حرمان.
وزي ما عودناكي في كوكب الاطفال إني دايما واقفين في ضهرك وبنحاول نجاوبك على كل الأسئلة اللي بتردد على ذهنك هنجاوبك على سؤالك ما هو أسلوب التربية المناسب لطفلك؟.
أساليب التربية المناسبة للأطفال
في كتير من الأساليب اللي ممكن تتبعيها في تربية طفلك، واللي منها:-
أسلوب احترام شخصية الطفل والسلطة الحازمة
ويعتبر الأسلوب أفضل أسلوب التربية المناسب لطفلك، وده لأنه واحد من أهم أساليب التربية الايجابية، وهو إنك تركزي على التصرفات والأفعال الايجابية اللي طفلك بيعملها، وتحاولي تشجعيه عليها ويستمر فيها، زي مثلا أنه يلبس ملابسه لوحده، أو أنه بعد ما يخلص لعب يجمع ألعابه في الصندوق.
أما بالنسبة للتصرفات السلبية اللي ممكن يتصرفها طفلك واللي بتكون واحدة من السلوكيات المزعجة والغير محتملة إنه يتشاجر مع أخواته، إنه يغضب لأسباب غير منطقية، وهنا بتحاولي تعرفيه أن السلوكيات دي غير لائقة وإنه من الأفضل عدم ارتكابها مرة ثانية، وفي حالة إنه كررها وضحي أنه هيكون في عقاب حتى ولو بسيط زي مثلا إنك تقللي من مصروفه.
أسلوب الثناء والمدح والابتعاد عن العقاب والصراخ
كتير من الآباء والأمهات لم طفله بيتصرف تصرف سئ بينفعلوا عليه وممكن يعاقبوه بالضرب أو ألفاظ بذيئة بلاش يا عزيزتي أن تكون مثل هؤلاء، ده بيترك في نفسية طفلك أثر سلبي صعب أنه يتجاوزه بسهولة ، ده غير أنها بتقلل من ثقته بنفسه، علشان كده من المهم إنك تثني على كل تصرف ايجابي يعمله وده لأنهم بيقوي شخصيته وبيعزز من قيمته الذاتية عند نفسه.
أسلوب وضع الحدود
في أمهات كتير بتلجأ لأسلوب الصراخ من أجل تعديل سلوكيات أطفالهم، ويتجاهلوا تماما الأساليب التانية للعقاب واللي هي أكثر أيجابية في تنفيذها من الطرق التقليدية زي الضرب والتوبيخ، يعني مثلا وضحي لطفلك أنه ساعات اللعب بالنسبة ليه محددة بوقت، وإنه لو مش انتهي من اللعب في الوقت المحدد هتحرميه تاني يوم من اللعب.
ومن المهم إنك تكون قد كلامك وتنفذيه، لأنه في حالة عدم تنفيذه هتكون الطريقة دي ليس لها أي جدوى، ووضع الحدود هيحسس طفلك إني الأمور تحت السيطرة ولا يمكنه تجاوزها.
تحدث مع طفلك واسمع له
وده يعتبر واحد من أكثر من أساليب التربية المناسب لطفلك، وده لأنه الكلام مع طفلك هيعرفك على مشاكله، والتوصل للأسباب اللي تخليه يتصرف تصرفات غير مقبولة، بالإضافة إنك هتعرفيه إزاي يتعامل مع المشاكل دي ويتمكن من الوصول لحل ليها.
تعليم الاطفال الموسيقى .. بطرق تربوية حديثة
مبادئ تبني شخصية الطفل
في كتير من المبادئ اللي هتساعدك في بناء شخصية طفلك، وتكوين شخصية قوية قادرة على التفرقة بين الصواب والخطأ واللي منها :-
الاحترام المتبادل والذي يكون مبني على الحزم واللطف
ودي واحدة من أهم الوسائل في تربية طفل قوي الشخصية قادر على التفرقة بين الصواب والخطأ، وده لأنهم بيشعروا بارتياح أكبر في البيئة التي تحكمها مجموعة من القوانين والمبادئ التي يحترمها الجميع، ومن أهم الأسباب اللي بتخليه يحترم هذه القواعد سياسة اعتذار الوالدين عند الخطأ.
لتشجيع بدل المدح
ولازم تعرفي أنه في فرق بين الاتنين وأنه المدح واحد من أساليب تهذيب طفلك التي لها قيمة، والمقصود بيه مدح الفعل لا الطفل، يعني على سبيل المثال لو ابنك حل مسألة ممكن تقوليله إنك بقيت بارع في حل مثل هذا النوع من المسائل، ولا تشكريه كشخصه وتقولي له أنت عبقري.
العواقب لا العقاب
وتعتبر دي واحدة من أهم الأجوبة على سؤال ما هو أسلوب التربية المناسب لطفلك، وهو إنك تجعلي لكل تصرف سئ يتصرفه طفلك عقاب مناسب ليه، زي مثلا إنه لو استخدم ألعابه بطريقة سيئة هتكون النتيجة إنك تكسري كل الألعاب، أو تحرميه منها لمدة أسبوع، وتوضحي أنه ده نتيجة تصرف، وإنك هترجعيها ليه مرة تانية عندما يحسن اللعب بها.
تعليم النطق للأطفال بالطرق التربوية الصحيحة
مهارات ضرورية للأطفال
صرحت أحد الأطباء النفسيين والمتخصصين في تربية الطفل بأن ( الطفل الذي يعتاد على ارتكاب السلوك السئ هو طفل ينقصه التشجيع)، وهو الجانب اللي كتير من الأمهات والآباء بيغفلوا عنه، وده لأنه في كتير من العوامل اللي ممكن تقدميها لطفلك واللي تساعده على أنه يكون طفل يتصرف بشكل جيد.
فعلى سبيل المثال يمكنك أنتي كأم أن تقومي بشكر طفلك على أفكاره ومجهوداته، كمان إنك تقعدي أنتي وباباه وتتناقشوا مع بعض على أهم ما يشغل بال طفلكما ويمر به يعتبر من أفضل أساليب التربية لطفلك.
والحاجة اللي مهم إنك تعرفيها إنك توفري بيئة تربية ايجابية لطفلك، وده لأنها بتساعد طفلك بشكل قوي في تعلم مهارات الحياة المختلفة، والمهارات الاجتماعية وبناء شخصية سوية تمتلك الكثير من الصفات الحميدة، مثل التعاون والاحترام، والاستقلالية، والقدرة على حل المشاكل، ومراعاة شعور الآخرين.
كده يكون تعرفنا مع بعض على أسلوب التربية المناسب لطفلك والي منها أسلوب احترام شخصية الطفل، وأسلوب الثناء والمدح، وأسلوب وضع الحدود، وكمان تعرفنا على أهم المبادئ التي تبني شخصية الطفل واللي منها التشجيع لا المدح، والاحترام المتبادل، وأخيرا مهارات ضرورية للأطفال.
كتبت: شيماء عبدالباقي
