أفضل المنصات الالكترونية لتعليم الاطفال اللغة العربية
تعليم اللغة العربية للأطفال بقى من أكتر التحديات الصعبة اللي بتواجهها كتير من الأمهات لكنه مش مستحيل، وده بسبب أنه كتير من الأسر ببتجه أنه تعلم أولادها في مدارس لغات أجنبية لكتير من الأسباب المختلفة، وده السبب الرئيسي اللي خلى اللغة العربية أخدت دور ثانوي في حياة ولادنا.
علشان كده من المهم إنك تدوري على الطرق السهلة اللي تقدري تعوضي بيها الجانب ده، وتعلمي طفلك اللغة العربية بكل سلاسة وبساطة، وهنا هنتعرف مع بعض على بعض المنصات الكترونية اللي بتساهم بدور كبير في تعليم الاطفال اللغة العربية بطرق مسلية وسهلة.
أهم المنصات الالكترونية لتعليم الاطفال اللغة العربية
في كتير من المنصات اللي موجودة على مواقع التواصل الاجتماعي المختلفة اللي بتساعد بشكل كبير في تعليم أطفالنا اللغة العربية، واللي منها:-
القناة دي واحدة من القنوات المهمة الموجودة على اليوتيوب واللي بتعلم أطفالنا اللغة العربية بطريقة جميلة وبسيطة، وده لأنه القناة دي فيها كتير جدا من مقاطع الفيديو المسلية بالنسبة للأطفال، واللي بيعلمهم المفردات العربية والحروف بطريقة يتفاعلوا معاها.
وأكتر حاجة بتميز القناة دي أنها بتعرض قواعد اللغة العربية بطريقة جذابة للأطفال وشيقة، وده علشان تساعد أطفالنا أن الحاجة اللي يتعلموها تفضل في دماغهم، علشان كده مهم إنك تستغلي تعلق طفلك بفيديوهات اليوتيوب في حاجة مفيدة، زي تعليمهم اللغة العربية.
والجميل في الموضوع هنا أنه الموقع من اسمه جذاب ويشد الأطفال، والموقع ده بيساعد بدور كبير في تعليم أطفالنا اللغة العربية، وده لأنه بيقدم منهج تعليمي من خلال حلقات كرتون بتركز بشكل كبير على الموسيقى، يعني هو جمع بين الحاجات اللي بتحبها الأطفال زي الموسيقى والكرتون، وفي نفس الوقت بيعلمهم حاجة مفيدة وهي اللغة العربية.
الموقع ده بيهتم بتعليم الاطفال اللغة العربية في سن الحضانة، ولكن ممكن للأعمال التانية أنها تستفيد منه، وأكثر ميزة في الموقع ده أن حلقة الكرتون مدتها ما بين دقيقة لـ 3 دقايق، وده هيخلي الطفل ما يملش من كتر الكلام اللي ممكن يكون في الفيديو، أو أنه يتوه وما يدركش المحتوى اللي بيقدموا الفيديو أصلا.
وكل حلقة من حلقات الكرتون في الموقع ده بتقدم محتوى مختلف زي الأرقام، والحروف الأبجدية، وقواعد اللغة العربية، ده غير أنه بيعرض كتير من المواضيع العلمية بطريقة جذابة ومتميزة.
والتطبيق ده واحد من التطبيقات الجميلة في تعليم الأطفال اللغة العربية، وممكن تحمليه على الموبايل، أو حتى على التابلت، وهتلاقي في التطبيق ده مجموعة كبيرة من الفيدوهات اللي بتساعد الأطفال في تعلم اللغة العربية، ده غير أنه بيحتوي على كتير من القصص التفاعلية.
ومن مميزات تطبيق لمسة أنه بيهتم بأنه يزرع حب القراءة واللغة العربية عند الأطفال، وبيساعدهم بشكل كبير في توسيع آفاقهم وتفكيرهم، ده غير أنه التطبيق ده مليان بالألوان والألعاب، وكمان في قصص كتير وبرامج زي برنامج افتح ياسمسم المعروف بحب الأطفال ليه.
ودي منصة من أهم المنصات التي ممكن نلجأ ليها في تعليم أطفالنا اللغة العربية، وده لأنها بتقدم للأطفال محتوى مختلف في تعليم اللغة العربية، ده غير أنها بتقدم للمدرسين طرق فعالة في تعليم الأطفال اللغة العربية في وقت مبكر.
وده لأنه منصة عصافير بتعتمد على الأبحاث الأخيرة وأحدث الطرق في تعليم أطفالنا اللغة العربية، وده علشان تقدر تجمع محتوى متميز يساعد الأطفال بطريقة قوية وبسيطة في تعليم اللغة العربية.
كمان منصة عصافير بتنوع في المحتوى اللي بتقدمه لولادنا بشكل مستمر، وبتقدم كتب بمستويات مختلفة وفيها كم كبير من الأنشطة وأوراق العمل اللي بتساعد كل مدرس إزاي يعلم الأطفال اللغة العربية بطريقة سهلة ويقدروا يستوعبوها.
والتطبيق ده بيهتم بحروف اللغة العربية وإزاي ممكن نعلمها لأطفالنا بكل سهولة، وده لأنه بيوفر طرق سهلة وشيقة للأطفال تخليهم يقدروا يتعلموا أساسيات اللغة العربية والقراءة والكتابة، والتطبيق ده يعتبر من التطبيقات المناسبة جدا للأطفال في سن الروضة.
وده تطبيق من التطبيقات المهمة جدا في تعليم أطفالنا اللغة العربية، وده لأنه الهدف الأساسي للتطبيق ده أنه يساعد الأطفال على نطق الحروف باللغة العربية، وإزاي يكتبوها، ويكونوا قادرين أنهم يشكلوها ، وده من خلال ممارسة بعض الأنشطة المسلية بالنسبة للأطفال، واللي منها لعبة البالونات، و لعبة قطف الثمار، وبطاقات الذاكرة.
كده نكون تعرفنا مع بعض على أكتر التطبيقات والمنصات اللي بتساعد بشكل كبير في تعليم اللغة العربية للأطفال، وده من خلال ذكر أهم المنصات والتطبيقات في المجال ده زي قناة كرزة، وموقع آدم ومشمش، وتطبيق أبجد، وتطبيق الحروف العربية، وتطبيق لمسة.
لو تعرفي تطبيق حلو غير دول مهتم بتعليم الأطفال للغة العربية ياريت تقوللنا على اسمه.
كتبت شيماء عبدالباقي
