بعض الطرق التي تساهم في تعزيز ثقة الطفل بنفسه
كثير من الأمهات تعاني من كيفية التصرف في مرحلة معينة من مراحل تربية طفلها، وده لأن الطفل يكون وصل لبداية مرحلة التمرد، وأصبح غير متقبل لكل أوامرك وينفذ بعضها فقط ، ويرفض في أغلب الأحيان.
بعض الأمهات تلجأ للصوت العالي والتعنيف ، أو السباب بأقبح الالفاظ، أو وصفه ببعض الأوصاف السلبيه، بدون أن تدرك أن تصرفها له أثر سلبي على طفلها، وقد تجعله صاحب شخصية مهزوزة ، ثم تشكو أنه ليس لديه ثقة في نفسه.
كيف نتغلب على هذه المشكلة؟
من المهم إنك تعلمي ما هي الالفاظ المناسبه لاستخدامها في هذه المواقف، والأمور التي يجب أن تنتبهي إليها ولا تقوليها أمامه.
ولذلك سنتعرف الآن معا على بعض الطرق المهمة لتعزيز الثقة بالنفس عند الاطفال.
أهم بعض الطرق لتعزيز الثقة بالنفس عند الاطفال
توجد أساليب كثيرة ممكن تستخدميها لتعززي من ثقة طفلك بنفسه، ومنها:-
المدح
وده واحد من الحاجات المهمة لتعزيز الثقة بالنفس عند الاطفال، وده بيكون إنك دايما بتمدحي في ابنك قدام الناس، خاصة الناس اللي بتشفوهم بشكل متكرر، زي أهلك وأهل جوزك، وجوزك نفسه، اتكلمي قدامهم عن الحاجات الحلوة اللي بيعملها معاكي ابنك في يومك، وإنه بيساعدك في حاجات كتير وبتعتمدي عليه في تنفيذ الحاجات دي، كل الحاجات دي هتساعد في بناء الثقة عند طفلك، وتكوين شخصية قوية ليه.
لوحة الانجازات
وده بيكون من إنك بتعملي لوحة بتكتبي فيها كل انجاز بيحقق ابنك وبتكوني مبسوطة بيه، وكل انجاز بتكتبي قصاده بعض كلمات المدح اللي قولتيها لابنك في وقتها، وحطيها في أوضة ابنك، دي هتفكره بكل انجاز هو عمله وقد ايه أنتي كنتي مبسوطة منه، وهتساعده في أنه يكون واثق بنفسه بسبب تصرفاته اللي بيعملها وبتعجبك.
مشاركته في اتخاذ القرار
ودي واحدة من أفضل الحاجات في تعزيز الثقة عند الاطفال، ودي بأنك تحسسي ابنك إنه رأيه مهم في القرارت اللي بتاخدوها في البيت، وعبري عن ده بكلمات من المدح لم يشاركك في قرار حتى لو مش هو القرار الافضل،
يعني مثلا لم يقولك على فكرة في حاجة عبري عن ده ببعض الجمل، زي مثلا إنك تقوليله مش عارفة من غيرك كنت هعمل ايه، أو إنك تقوليله هقولك على أي حاجة بعد كده محتاجة أخد فيها قرار لإنك بتفكر صح. كل الحاجات دي هتخلي ثقة طفلك بنفسه قوية، وهتبني عنده شخصية قوية من الصعب أني تزعزع في أي قرار ممكن تاخده، أو أي حد يأثر عليها بشكل سلبي.
- لا تستخدمي الكلمات التي تعبر عن خوفك الزائد
وذلك لأنك قد تستخدمين هذه العبارات كثيرًا بسبب الخوف الزائد من أن يقع ابنك أثناء اللعب مع أصدقائه أو أن يتعرض لأي مكروه، وهذه الأمور قد تؤدي إلى فقدانه الثقة بنفسه أو أن يصبح أكثر حذرًا. لذا، يُفضل تجنب استخدام هذه الكلمات مثل “خلي بالك” و”لا تفعل ذلك” أو النداء عليه بصوت عالٍ أثناء اللعب. بدلاً من ذلك، استخدمي أساليب تواصل مختلفة للتعبير عن مخاوفك، مثل الاقتراب منه وشرح العواقب المحتملة لأفعاله بطريقة هادئة، كأن تقولي له إذا قفز من مكان مرتفع قد يكسر ساقه، مما يتطلب زيارة الطبيب والراحة في الفراش لمدة شهر دون الذهاب إلى النادي أو اللعب.
المكافآت والهدايا
ما بين فترة والتانية من المهم إنك تكافي ابنك على تصرفاته ، وسلوكياته الصح اللي مطبقها في حياته، وإنه بيشاركك في اتخاذ القرارات في الأمور المتعلقة بالبيت، وده بيكون إنك مثلا تشتري ليه هدية هو كان حابب يشتريها قبل كده، وعرفيه أن الهدية دي جت كمكافأة ليه.
أمور يجب أن تضعيها في الاعتبار في التعامل مع طفلك
في حاجات كتير من المهم إنك تاخدي بالك منها وأنتي بتحاولي تستخدمي أساليب تعزيز الثقة بالنفس عند طفلك، واللي منها:-
عدم الافراط في المديح
في دراسة عملتها جامعة كولومبية واللي فيها درست سلوك الاطفال من سن الروضة لحد وصولهم الصف الخامس الابتدائي، واللي لاحظت فيها إنه الاطفال اللي بيتعودوا على الثناء والمدح فيهم عن كل تصرف بيعملوه بيتعودوا على ده ومع مرو الوقت بيميلوا لعمل الحاجات البسيطة، ومش بيكون عندهم فضول لعمل الحاجات الصعبة، وده بيكون بسبب ضعف ثقتهم بنفسهم وده بسبب المدح الزايد. على عكس الأطفال التانين والي اتعودوا أنهم بيشكروا ويثنوا عليهم في الحاجات اللي بيعملوها وبيبذلوا فيها جهد، واللي بيخليهم دايما يدوروا على الحاجات اللي بتحتاج لمجهود ومثابرة علشان يعملوها، وده بسبب قوة ثقتهم بنفسهم، وقوة شخصيتهم.
المقارنة
في كتير من الأحيان بتستخدمي بعض الألفاظ اللي بيكون قصدك منها زيادة الحماسة عند طفلك، لكن في الحقيقة هي بتقلل من ثقته من نفسه وبتخلي شخصيته ضعيفة، يعني مثلا ممكن تقوليله أنه زميلك فلان أشطر منك، أنا عايزاك تبقى زيه، وكتير من الجمل اللي زي دي واللي بتقارنيه بيها من حد في سنه.
كيف يمكن تعزيز القدرات الإبداعية للأطفال
الحاجات دي كلها بتخلي ثقة طفلك في نفسه ضعيفة ومهزوزة، علشان كده لازم تخلي بالك إنك ما تستخدميهاش مع ابنك. كده يكون وصلنا لنهاية مقالنا واللي تعرفنا فيه على الطرق المهمة لتعزيز الثقة بالنفس عند الاطفال واللي منها مدح طفلك والثناء عليه قدام الناس، وتقديم الهدايا والمكافآت ليه، وكمان عرفنا بعض الحاجات اللي ممكن تأثر بشكل سلبي على ثقة طفلك بنفسه واللي منها الافراط في المدح، ومقارنته مع زمايله.
لو عندك أي استفسار أو تعليق سيبيه في كومنت وهنرد عليكي.
كتبت : شيماء عبد الباقي
