إزاي تختاري اللعبة المناسبة لطفلك
كتير من الأمهات بتستغرب من مدى اهتمام طفلها وتركيزه هو وبيلعب، وده لأنها بتشوف اللعب مجرد وسيلة للترفيه فقط عنده، ولكن الاعتقاد ده غلط بالمرة، وده لانه بيساعد في تطوير مهاراتهم الذهنية والعقلية.
وطبعا الركن الأساسي اللي بيعتمد عليه الاطفال في التطوير ده هو اللعبة نفسها، علشان كده من المهم إنك تختاري اللعبة المناسبة والمفيدة لطفلك، وفي كوكب الأطفال هنتعرف مع بعض على كيف اختار لعبة طفلي؟.
كيف اختار لعبة طفلي المناسبة؟
كتير من الأمهات بتسأل إزاي ممكن اختار اللعبة المناسبة لطفلي، واللي ممكن يستمتع بيها أثناء اللعب، واللي منها:-
- هتختاري اللعبة المناسبة لعمر طفلك بحيث يستفيد منها حسب عمره ويستمتع بيها في نفس الوقت وآمنه عليه ومش ممكن تأذيه هو بيلعب بيها، يعني مثلا لو ابنك عنده 6 سنين هيكون مناسب ليه إنك تختاري لعبة من ألعاب البازل، وهتلاقي متفاعل معاها بشكل كبير، وده لأنها مناسبة لعمره.
- بلاش تشتري كمية كبيرة من الألعاب مرة واحدة، وده لأنه بعد مرور فترة قصيرة هتحسي إني ابنك مل منها ومش هيلعب بيها تاني، لكن ممكن تشتري كل فترة كمية صغيرة، ومن وقت للتاني تجددي في الألعاب حسب تطور مراحله العمرية، والطريقة دي هتكون مناسب ليه أكتر.
- كوني حريصة على إنك تشتري ليه لعبة مناسبة لاهتماته، يعني مثلا لو طفلك بيحب الموسيقى ممكن تشتريله الالعاب الخاصة بالموسيقى، زي بيانو مثلا.
- من الحاجات المهمة اللي المفروض تاخدي بالك منها إنك تدوري في أكتر من مكان مخصص لألعاب الاطفال، وده لأنه هيديكي أكبر قدر ممكن من المعرفة عن ألعاب الأطفال وتختاري منها اللي مناسب لطفلك، ده غير أنك هتعرفي ايه هي الاماكن اللي أسعارها حلوة ومناسبة ليكي.
أهمية اختيار اللعبة المناسبة لطفلك
كتير من الامهات ىبتسأل هو اختيار اللعبه لطفلي له اهميه؟، يعني مش اشتريله أي لعبة كده وخلاص،دلوقتي هنتعرف مع بعض على اجابة كل الاسئلة اللي بتدور في دماغك، واللي من المهم إنك تعرفي إنه اختيار اللعبة المناسبة لطفلك ليه أهمية كبيرة، واللي منها:-
- أنه اختيار اللعبة المناسبة لطفلك بيساعد في تنمية حواس طفلك المختلفة.
- كمان اختيار اللعبة المناسبة بتضمن ليكي سلامة طفلك هو بيلعب بيها، وده لأنه عمرك ما هتشتري ليه لعبة ممكن تعوره أو تتسبب ليه في أي أذى.
- اختيار اللعبة بشكل مناسب حسب المناسبة لعمره هتساعدك كتير في تربيته على الحاجات اللي المفروض يتعلمها في السن ده.
- أنه اختيارك للعبة المناسبة ليه حسب سنه بتضمن ليكي أنه هيستمتع بيها، على عكس لو جبتي ليه لعبة مش مناسبة لسنه، سواء كانت مناسبة لأطفال أكبر منه أو أصغر.
وكتير من الدراسات أثبتت أنه اللعب بيشكل 70% من تربية الطفل، وده لأنه بيكون محتاج لعدد ساعات معينة كل يوم، علشان كده مهم إنك تركزي على الاعلاب اللي بتختاريها لطفلك ونوع اللعب اللي بيلعبه، بنفس الدرجة اللي بتهتمي بيها في كمية اللعب نفسه.
فوائد اختيار اللعبة المناسبة لسن طفلك
ولأنك دايما كأم بتسألي كيف اختار لعبة طفلي ؟، كان من المهم إني نوضحلك فوائد اختيار اللعبة المناسبة لسن طفلك، واللي منها:-
تعزيز النمو المعرفي عند طفلك
وممكن تسألي سؤال في نفسك أيه المقصود بتعزيز النمو المعرفي عند الطفل، والمقصود بيه نمو خلايا الدماغ عند الطفل، وتطوير معارفه بالتدريج مع تطور مراحل العمرية.
وممكن تتأكد من النمو المعرفي لطفلك بسبب اختيارك للعبة المناسبة لسنه من خلال مجموعة من الحاجات، أنه طفلك بيكون حريص على أنه يشارك في اللعب مع صحابه، وكمان طفلك بيكون قادر على الكلام معاكي بطلاقة وبطريقة لبقة بتتطور يوم بعد يوم.
دعم الجانب السلوكي والعاطفي عند طفلك
اختيار اللعب المناسبة لطفلك مش بتكون مجرد وسيله للتسليه واللعب بس، كمان بتعتبر واحدة من الطرق المهمة لتربية طفلك، وده لأنها بتساهم بشكل كبير في تطوير الجانب العاطفي والسلوكي عند طفلك، ومن أهم الجوانب اللي بيظهر فيها التطوير ده أنه التوتر بيبدأ يقل عند طفلك بسبب اللعب، كمان طفلك بيبقى يفضل اللعب كوسيلة بتمنحه السعادة مش مجرد وسيبلة بتسليه وبس، ده غير أنها بتعلمه اللعب في مجموعات.
دمج النمو بالمرح من خلال اللعب
وده بأنك تختاري الألعاب المناسبة لطفلك حسب سنه، وده علشان تضمني أنه يتفاعل مع اللعبة بشكل فعال، يعني مثلا لو اختارتي لطفلك اللي عمر 6 سنين لعبة من ألعاب الذكاء هتلاقيه مستمتع بيها، على عكس لو اختارتي ليه لعبة تانية زي لعبة الغواص أو القطر هتلاقيه مش مستمتع هو وبيلعبها، وده لأنها ما بقتش مناسبة لعمره.
علشان كده من المهم إنك تفهمي احتياجات طفلك ، وإنك تقدمي ليها المعلومات في صورة لعب، وتدمجيها بالمرح.
كده يكون تعرفنا مع بعص علي كيف اختار لعبة لطفلي؟ واللي منها إنك تشتري ليه لعبة مناسبة لسنه، وحسب اهتمامته، وبلاش تشتري كمية كبيرة من الالعاب مرة واحدة، كمان عرفنا أهمية اختيار اللعبة المناسبة لطفلك واللي منها أنها بتعزز من السلوك المعرفي للطفل، وأخيرا فوائد اختيار اللعبة المناسبة واللي منها إنك بتقدمي المعلومات لطفلك في شكل لعب ومرح.
هنكون سعداء بيكي لو شاركتينا بتجربتك في طريقة اختيارك للعبة المناسبة لطفلك.
كتبت: شيماء عبدالباقي
