معلومات شاملة عن أشهر الحضانات في العالم
الكثير من الأمهات تشعر بالحيرة عند رغبتها في الحاق طفلها بروضة الأطفال، فقد يكون من الصعب أن تجدي روضة أطفال ممتازة تقوم بتلبية جميع احتياجات طفلك، فتعتبر الحضانة هي حجر الأساس في حياة الطفل التعليمية، وده لأنه منها بيبدأ اكتشاف المواهب والقدرات التعليمية وغيرها.
علشان كده فإن عملية اختيار الحضانة ليست أمر بالهين، ولأننا في كوكب الأطفال دايما بنتحب نكون السباقين في مد يد العون ليكي هنقدملك أشهر أجمل روضة أطفال في العالم، واللي هنتعرف عليها مع بعض من خلال المقال ده.
أشهر حضانات أطفال في العالم
بالرغم أنه من الصعب إنك توصلي لحضانات ذات جودة عالية جدا إلا أنه أكيد مش مستحيل، ودلوقتي هنتعرف على أجمل حضانات الأطفال اللي موجودة في دبي:-
الكنغر لحضانات الاطفال
وتعتبر دي واحدة من أهم وأجمل الحضانات اللي موجودة على مستوى العالم، وهي حضانة بريطانية معروفة تم تأسيسها في عام 2005 ودي للأطفال اللي أعمارهم بتتجاوز ما بين شهرين وحتى أربع سنوات، ومن أهم ما يميزها أنها بتعتمد في نظامها التدريسي على منهج السنوات المبكرة من عمر الطفل في المرحلة التأسيسية.
ده غير أنها بتضم عدد كبير من المدرسين المؤهلين واللي بيبذلوا كامل جهدهم في توفير أفضل تعليم للأطفال في بيئة آمنة، ومن أهم النظم التعليمية اللي بيتم تدريسها هي الموسيقى والرقص، والباليه واللغة الفرنسية والعربية وتعتبر الدروس دي بعض من أهم الدروس اللي بتقدمها حضانة الكنغر للأطفال.
مقترح لك: تعليم الاطفال الموسيقى .. بطرق تربوية حديثة
حضانة تشلدرنز أوسيس
وتعتبر الروضة دي واحدة من أجمل روضة أطفال في العالم، وده بسبب التكنولوجيا المتوفرة في الحضانة دي، والمناهج المتطورة، والتعامل بكل حب اللي بيبقى موجود في المكان كله، والحضانة دي بتهتم بتقديم نظام تعليم لطفلك، وده لأنها بتؤمن بأن السنوات الأولى من عمر طفلك هي اللي بتعتمد على اكتشاف الذكاء والمهارات عند الطفل وتطويرها، وتنمية شخصياتهم وسلوكياتهم الشخصية والاجتماعية.
علشان كده بتلاقي الحضانة دي مهتمة اهتمام غير عادي بنظام التعليم اللي بيتم تقديمه للطفل في منهج السنوات المبكرة الأولى من المرحلة التأسيسية، وبيئة آمنة ومحبة للطفل ومحفزة وتكون أشبه بالمنزل الدافئ.
حضانة جريت مايندز
ودي تعتبر واحدة من أشهر الحضانات اللي موجودة في دبي، وبتعتمد في منهج تدريسها على المنهج المونتيسوري، وده منهج بيجمع بين التعلم والتفاعل والمتعة بطرق حديثة ومبتكرة، وده لأنه بيراعي الاختلافات الموجودة عند كل طفل في الامكانيات والمهارات، والخصوصيات الفردية، ده بالإضافة إلى أن الحضانة مهتمة جدا وحريصة على توفير كل الأدوات الخاصة بأنشطة ألعاب الأطفال.
حضانة سوبر كيدز
ودي واحدة من أفضل وأجمل الحضانات للأطفال على مستوي العالم، وتم تأسيسها لأول مرة في عام 2004 في دبي، وبتعتمد في نظام تعليمها على منهج السنوات المبكرة للمراحل التأسيسية، والحضانات في دبي بشكل عام بتعتمد على غرس القيم الايجابية بين الأطفال، بالإضافة إلى التركيز على الأساليب الخاصة بتطوير اللغة عندهم، ده بالإضافة إلى أنها في موقع ممتاز، وده بسبب إنها بتحيط بيها من كل الجوانب فيلل سكنية، وده بيخليها اختيار مناسب لسكان هذه الفيلل.
حضانة أوركاد البريطانية
والحضانة دي بتشتهر بإنها واحدة من أفضل الحضانات على مستوى العالم، ده غير إنها واحدة من أوائل حضانات الأطفال الحاصلة على شهادة الآيزو، وتركز هذه الروضة على 7 مجالات أساسية في المنهج البريطاني واللي منها التواصل، والجانب العاطفي، والرياضيات، واللغة، والاجتماعيات، والفنون التعبيرية، وفهم العالم.
ده غير أنه الحضانة بتحاول استغلال أوقات الفراغ للأطفال بشكل مثالي، زي أنها مثلا تحاول تشغلهم بالقراءة وتنمية قدراتهم الفكرية والإدراكية، ده بالإضافة إلى أنها بتركز على الأنشطة اللامنهجية كالرقص، والتصميم، والفنون والموسيقى، والتكنولوجيا.
تعليم النطق للأطفال بالطرق التربوية الصحيحة
حضانة أوديسي
وتعتبر أجمل روضة أطفال في العالم، وبتنتشر فروعها في أكثر من مكان في دبي أم الشيف، وأم سقيم، ووادي الصفا، وهي واحدة من أشهر الحضانات في دبي، في مجال التعليم، وبتنفرد الحضانة دي عن غيرها باهتمامها الزايد والمتمثل في زيادة الوعي، البيئي بين الطلبة الصغار، من خلال الأنشطة الزراعية اللي بتقدمها ليهم، علشان كده تعتبر واحدة من أفضل الحضانات التي تتبع نهج الصديق للبيئة.
حضانة ألفابيت ستريت
ودي واحدة من أفضل الحضانات على مستوي العالم، وبتركز في أنشطتها على الأنشطة البيئية زي غرس الأشجار، والبذور، والنباتات، والري، بالإضافة إلى جانب التعليم والتطوير من خلال الخبرة والتجربة على الاعتماد على المنهج البريطاني للتعليم المبكر في المرحلة التأسيسية، ده غير إنها بتعتمد على بناء العلاقات بشكل ايجابي وتنمية روح التعاون بين الأطفال وده من خلال الأنشطة الرائعة اللي بتوفرها الحضانة.
حضانات أخرى رائعة
في كتير من الحضانات الرائعة اللي موجودة في دول تانية، واللي منها:-
حضانة Bobiroupoli Children’s Garden
والحضانة دي في هيراكليون في اليونان، وتعتبر واحدة من أجمل الحضانات على مستوى العالم، وتبلغ مساحتها 170 متر مربع، ودي عبارة عن جزء من لعبة أطفال، وبتتميز بتصاميمها الابداعية ورسوماتها الزاهية والتصميمات الابداعية، وبتتكون الحضانة من أكثر من طابق، والطابق الأرضي مقسم إلى أربع أجزاء، كل جزء بيكون ليه وظيفة مختلفة عن التانية، وفي مدخل الحضانة في آريكة علشان يقعدعليها الوالدين.
كمان في قطعة من الحضانة يمكن لأطفال الحضانة الاستفادة منها من خيالهم، وده لأنه المنطقة دي مقسمة لمجموعة مصغرة منها المطبخ، وبيت دمى، ومتجر بقالة، وبنك ، وورشة نجار.
حضانة هوتشو بالصين
ودي واحدة من أجمل الحضانات الموجودة على مستوى العالم، وتم تصميمها من خلال مهندسين كان هدفهم انشاء متحف في السماء، وبعد أنهم انهوا تصميم الحضانة حسوا وكأنهم فوق السحاب، ، وتصل مساحة الحضانة دي إلى 137000 قدم مربع ، وهي عبارة عن لوحة بيضا زي التلج، وأرضية بيضاء، وكمان بتدي احساس بالطفو في وسط السحب المنتفخة.
يصل عدد الغرف في الروضة إلى 28 غرفة، وتم تصميمها على تحفيز الطلاب على الابداع والتفكير، وبسبب المساحة الكبيرة الخاصة بالحضانة الأطفال بيشعروا فيها بنوع من الحرية، ومن أهم مميزات هذه الحضانة أنه تم اختيار كل شئ فيها بعناية زي مثلا الكراسي اللي بتقعد عليها الأطفال واللي بتتميز بلونها الأرجواني الجذاب.
كده يكون انتهينا من مقالنا أجمل روضة أطفال في العالم، واللي تعرفنا من خلاله على أجمل الحضانات الموجودة زي حضانة الكنغر في دبي، وكمان حضانة أوديسي، وحضانة أوركاد البريطانية، وحضانة سوبر كيدز، وكمان حضانة هوتشو في الصين، وأخيرا حضانة Bobiroupoli Children’s Garden في اليونان.
بعد أن تعرفتي على أهم الحضانات الموجودة في العالم وأهم مميزاتها هل حابه إنك تفتحي حضانة يكون فيها نفس المميزات.
كتبت: شيماء عبدالباقي
