دور الأم ودور الحضانة في تعويد الطفل عليها
طفلك في أول يوم بالحضانة وتتساءلين كيف تتعاملين مع التوتر والخوف الذي يشعر به؟ هذا سؤال تطرحه كل أم لديها طفل على وشك الالتحاق بالحضانة. من المهم أن تعلمي أن هذه الخطوة ليست سهلة، لكنها في الوقت نفسه ليست مستحيلة.
كل ما تحتاجين إليه هو تدريب ابنك على الحضانة قبل بدء الدراسة، لأن هذا الحدث يعد من أهم الأحداث في حياة طفلك وسيظل محفورًا في ذاكرته دائمًا. في موقع “كوكب الأطفال” سنناقش هذا الموضوع بالتفصيل، فلنتابع سويًا.
دور الأم في تعويد الطفل على الحضانة
دور الأم محوري في تهيئة الطفل للحضانة، حيث تساعد في تعزيز استعداده النفسي والاجتماعي لهذه التجربة الجديدة.
كما ذكرت سابقًا، التعامل مع طفلك في أول يوم بالحضانة قد يكون تحديًا لكنه ليس بالأمر المستحيل أو الشديد الصعوبة. كل ما عليكِ هو أن تبدئي في التحدث مع طفلك عن الحضانة قبل فترة من إلحاقه بها، وتشرحي له أهم الأشياء التي قد يجدها هناك وتروق له. على سبيل المثال، يمكنكِ أن تخبريه بأن الحضانة مكان جميل وفسيح، وسيجد فيها العديد من الأطفال في عمره، والذين يمكنهم القيام معًا بكل ما يحبونه مثل الرسم، اللعب، أو الاستماع إلى الموسيقى.
من الأمور التي ستسهل عليكِ التعامل مع طفلك في أول يوم بالحضانة هو أن تصطحبيه معكِ عند التسجيل، وتقومي بجولة في الحضانة ليتعرف على الفصول، الرسومات على الجدران، والألعاب في حديقة الحضانة.
اختيار حضانة قريبة من المنزل سيسهل عليكِ كثيرًا في تعويد طفلك على الحضانة، لأن ذلك سيمنحه شعورًا بالأمان علمًا أن منزله وأمه قريبان منه. بعد التسجيل في الحضانة، احرصي على أخذه والنزول يوميًا مشيًا على نفس طريق الحضانة ليعتاد عليها.
ثم تبدئين بتقليل أي عادات قد تجعل طفلك يكره الحضانة، مثل السهر لوقت متأخر وعدم القدرة على الاستيقاظ باكرًا. يمكنكِ تقليل وقت السهر واستخدام التابلت أو مشاهدة التلفزيون تدريجيًا، حتى يحصل على ساعات نوم كافية تمكنه من الاستيقاظ مبكرًا بشكل طبيعي.
مقترح لك : تطبيق أنشطة مونتيسوري مع الأطفال فى المنزل
اهتمي كمان بطريقة تعاملك مع طفلك في صباح كل يوم هو ورايح الحضانة، وخاصة اليوم الأول، زي مثلا إنك تصحيه بكل هدوء، وتقبليه أول ما يصحى، وتحضري ليه الفطار اللي بيحبه، وتفطري معاه، وبلاش تعتمدي على إنه ابنك هيفطر من الفطار اللي أنتي عاملاه في اللانش بوكس.
وفي أول يوم حضانة ممكن تروحي مع طفلك الحضانة وتقضي معاه اليوم، وده علشان تقللي من التوتر والخوف اللي بيكون عنده من المكان ده، وده لأنه كتير من الحضانات بتسمح باصطحاب أولياء الأمور لأطفالهم في أول يوم، بعد كده خففي من الوقت بشكل تدريجي، إلى أن تصلي إلى مرحلة إنك تسيبيه ينزل من البيت لحد أتوبيس الحضانة بنفسه، ويتعود يختلط مع زمايله وأصحابه اللي في الحضانة.
دور الحضانة في تعويد الطفل عليها
في البداية أحب ألفت نظرك أنك علشان تكوني مطمئنة على طفلك هو وفي الحضانة لازم تختاري حضانة تنطبق عليها معايير الجودة، وفي طرق كتير ممكن يتبعها المسؤلين في الحضانة علشان تعويد الطفل على الحضانة وخاصة في أول فترة ليهم، واللي منها :-
- أنه المسؤلين في الحضانة يتعاملوا بكل حب وحنان مع الطفل وزي ما بتعامله مامته وأحسن، ومن المهم أنه يكون المدرسين في الحضانة والقادة الموجودين بيها قدوة حسنة للأطفال، يعني ما ينفعش طفل يتشم بأقبح الألفاظ وأسوئها من أي مسئول في الحضانة.
- أنه الحضانة والمسؤلين فيها يجاوبوا على أي سؤال ممكن يسأله طفلك أو أي طفل تاني وبكل هدوء وسكينة، وعدم الصراخ في وجه الأطفال لأن التعامل بالطريقة دي بيزود من الخوف والتوتر عندهم.
- مراعاة الحضانة لظروف الطقس والخوف على الأطفال، والاتصال بهم لعدم الحضور للحضانة في حالة المطر، أو في حالة ارتفاع درجات الحرارة، وده بسبب اهتمام الحضانة بالأطفال وصحتهم.
- لعب موظفين الحضانة مع الأطفال بالألعاب التي يحبوها والصبر عليهم في حالة البكاء، وعدم الصراخ بوجههم، والتعصب عليهم.
نصائح من أجل ترغيب الأطفال في الحضانة
في كتير من النصائح اللي ممكن تتبعيها علشان تقدري تحببي طفلك في الحضانة قدر المستطاع، واللي منها:-
- اتكلمي مع طفلك عن المرحلة دي، واهتمي بكلامه واللي ممكن يقوله أو يحس بيه تجاه الحضانة، وحاولي تطمنيه من الحاجات اللي ممكن تقلقه من الحضانة، وتتكلمي عن الحاجات الحلوة اللي فيها واللي ممكن تفرحه.
- حاولي إنك تساعدي طفلك يعمل صداقات مع ناس كتير من اللي حواليه واللي من خارج الحضانة، وده علشان يقدر يخرج معاهم باصطحاب أهاليهم في فسحة أو رحلة خارج الحضانة أو تنسيقها.
- اذهبي مع طفلك في أول يوم حضانة، وحاولي تغيري من مود القلق والخوف اللي عنده واللي ممكن تتغلبي عليهم من إنك مثلا تاخدي معاه بعض الصور التذكارية، أو تلعبي معاه في ألعاب الحضانة.
مقترح لك : طرق لا تتوقعيها في تعليم الاطفال القراءة
كده يكون انتهينا من مقال طفلك في أول يوم حضانة وإزاي ممكن تتعاملي معاه، وإنه من أهم الأمور اللي هتساعدك على التغلب على المشكلة دي إنك تتكلمي معاه عن الحضانة قبلها بفترة، وكمان وضحنا دور الحضانة واللي من المهم أن المسؤليين اللي فيها يتعاملوا بكل حب وحنان مع الطفل، وأخيرا بعض النصايح اللي ممكن من خلالها تحببي طفلك في الحضانة وتقلقلي من الخوف والتوتر الموجودين عنده منها زي مساعدتك لطفلك في تكوين صداقات خارج الحضانة.
لو عندك تجربة سابقة في ترغيب طفلك في الحضانة ونجحت معاكي ياريت تشاركينتا بيها في كوكب الاطفال.
كتبت: شيماء عبدالباقي
