طرق تعليم حروف الهجاء العربية للأطفال ونصائح هامة للأم
يعتبر تعليم الاطفال الحروف الهجائية في مراحل حياتهم الأولى هو حجر الأساس لمستقبلهم التعليمي، ويحتار الكثير من الآباء والأمهات والمعلمين في كيفية تعليم الاطفال هذه الحروف بالطريقة الصحيحة.
تعليم الاطفال حروف الهجاء الأبجدية العربية
تعليم الاطفال الحروف العربية في بداية عمرهم تعتبر مهمة من أصعب المهام، ولكن يتوقف ذلك على الطريقة التي تنتهجها الأم او المعلم في تعليم الطفل لهذه الحروف، والتي ستجعلها أكثر سهولة، وفيما يلي سنذكر اهم هذه الطرق:-
تعليم طفلك حروف الهجاء بشكل منفصل
تتكون حروف اللغة العربية من 28 حرف، والأسهل إنك تعليمها لطفلك حرف حرف، يعني لازم الأول يحفظ الحرف ويعرف يكتبه وبعدها تنتقلي للحرف اللي بعده، ومن الأفضل أن يقوم الطفل في البداية بسماع هذه الحروف وترديدها.
جذب انتباه الطفل بالقصص
ودي أسهل طريقة ممكن تعلمي بيها طفلك الحروف الهجائية، وده طبعا لإنك بتقومي تعليم طفلك الحرف من خلال أنك تحكيله حدوته، يتعلم منها الحرف، بالظبط زي الحدوتة اللي بتحكيهاله قبل النوم، وده لأن الطفل بطبيعته بيحب الحواديت وبينجذب لسماعها.
يعني مثلا لو حابه تعلميه حرف الألف، احكيله قصة عن حرف الألف، يعني مثلا زي اللي موجوده في الفيديو ده
نطق حروف الهجاء بطريقة صحيحة
وذلك من خلال قيامك بتعليم ابنك طفلك الحرف حسب اللفظ اللي بنقوله، مش زي ما هو موجود في اللغة العربية، يعني مثلا في اللغة العربية الفصحى بننطق حرف أ حسب مضمونه في الجمله، وليس (ألف).
الاستعانة بالوسائل التعليمية
يعني ممكن تستعين بالطرق الكتير الموجودة دلوقتي اللي ممكن تعلمي بها ابنك الحروف بسهولة، يعني مثلا من خلال الفيديوهات اللي بنشوفها على اليوتيوب، أو تكوين كلمة من خلال الأحرف التي توجد على الكروت، زي اللي موجودة في الصورة دي مثلا:-
كروت صور حروف الهجاء
يمكن طباعة الكروت واستخدامها .. انقري على الصورة لفتحها وحفظها.
اللعب والالعاب
طبعا اللعب معروف عنه إنه أكتر حاجة بتحبها الاطفال، فأنتي ممكن تلجأ للطريقة دي لتعليم طفلك حروف الهجاء، يعني مثلا تجيبي مجموعة من الصور مكتوب على كل صورة الحرف اللي عايزة تعلميه لابنك، وكمان الحاجة اللي جوه صورة أول حرف من اسمها يبدأ بالحرف اللي عايزة تعلميه لابنك.
مثال، لعبة الكلمات المتقطعة زي ما فى الصورة .. يضع مشبك الحرف عند مثيله فى الكلمة .. طريقة هتخليه يفتكر الحرف وما ينسهوش.
استخدام الصور
ودي طريقة سهلة ممكن تعلمي بها صفلك الحروف، وده لأنه ابنك بيربط بين الصورة اللي شايفها والحرف الموجود عليها.
وحاولي تجددي له في الأفكار والصور، وممكن تطلبي منه يخرجلك الحرف من بين الحروف الكتير الموجودة على الصور.
تطبيق أنشطة مونتيسوري مع الأطفال فى المنزل
نصائح قبل البدء في تعليم الطفل حروف الهجاء
في بعض الاوقات نجد أن الأمهات تفقد السيطرة على أعصابها أثناء تعليم أطفالهم سواء الحروف أو الأرقام أو أي حاجة تانية، لكن في حاجة لازم تعرفيها أنه لازم تحاولي السيطرة على اعصابك انتي وبتعلمي ابنك، لأنه العنف مش هيجيب نتيجة بالعكس هيقلب الضد.
وكمان لازم ما تستخدميش الألفاظ البذيئة مع طفلك، يعني لو غلط في حاجة أنتي وبتعلميه بلاش تقوليله أنت غبي، ودلوقتي هقولك على أهم النصائح اللي ممكن تنفذيها لم تذاكري لابنك:-
- اتعاملي مع ابنك بكل صبر وهدوء وحب، ولازم تعرفي أنه كل طفل له قدرات ذهنية وعقليه تختلف عن الطفل الآخر، يعني بلاش تقارنيه مع أي حد من زمايله.
- كرري لطفلك كتير الأحرف، وزي ما بيقولوا التكرار بيعلم الشطار.
- الأمر الأخير واللي المفروض المدارس تخليه في اعتبارها أنه أول أسبوعين من الدراسات يكونوا عبارة عن ممارسة أنشطة وألعاب، وده علشان الطفل يقدر يتعرف على زمايلة ويندمج معاهم.
بذلك عزيزتي نكون وضحنا لكِ اهم الطرق وأسهلها التي تساعدك على تعليم طفلك الحروف الهجائية، كما ذكرنا لكي أهم النصائح التي يمكنك اتباعها عند مذاكرتك لطفلك.
هنكون سعداء لو شاركتينا بتجربتك في تعليم ابنك حروف الهجاء العربية
كتبت: شيماء عبدالباقي
