كيف تحفزين صغيرك على المشي
من أكتر اللحظات السعيدة في حياة أي أم هي رؤيتها لصغيرها وهو بيخطو أول خطواته، وأن يكتشف العالم من حوله ويبدأ في التعرف عليه.
والمشي مهارة حركية تحتاج أن يكون الطفل مكتمل النمو و لا يعاني من خلل في خلايا الدماغ والأعصاب.
والأهم أن لا تجبري طفلك على المشي قبل أن يكون مستعدًا، وتحلي بالصبر حتى يصبح جاهزًا. وفي كوكب الأطفال، سنقدم لكم طرقًا سهلة لتعليم الأطفال المشي.
كيف أبدأ في تعليم طفلي المشي
هناك العديد من الأشياء التي يمكن أن تسهل عليكِ تعليم طفلك المشي، وتساعدك في تحفيزه وتشجيعه على ذلك، دعينا نتعرف عليها معًا.
شجعي طفلك على الجلوس بمفرده
قد تجدين الأمر مستغربًا، لكن في الواقع، تعليم طفلك الجلوس بمفرده يمكن أن يساعده على تعلم المشي. ذلك لأن الجلوس يعزز قوة عضلات الطفل، مما يؤهله لبدء التعلم على المشي.
حان وقت الزحف
ودي حاجة من أهم الحاجات اللي بتساعد في تعليم الاطفال المشي، وده لأنه الطفل عند الزحف بيعتمد على تحريك ايديه ورجليه في نفس الوقت، والحركة دي طبعا بتقوي العضلات الموجودة في الرجلين، ويبدأ بعد كده الطفل يتعلم المشي بكل سهولة، علشان كده من المفيد إنك تقومي بتشجيع طفلك على الزحف، وأن يتنقل ما بين هنا وهناك في البيت.
تشجيع الطفل على رفع نفسه
لم يكمل الطفل عمر 8 شهور بيبدأ يحاول يرفع نفسه ويستقيم، وده علشان يقدر يستقيم ويكون قادر على اكتشاف العالم اللي حواليه، في المرحلة دي من المهم إنك تعلمي ابنك إزاي يرفع نفسه، وازاي يقدر يتني رجليه علشان يقعد على الارض مره تانية.
كل الحاجات دي هتشجع ابنك أنه يتعلم المشي بشكل أسرع، وكمان هتقلل من مخاطر السقوط اللي ممكن يتعرض ليها هو بيتعلم المشي.
ادعمي جسم طفلك هو وبيمشي
ودي واحدة من أهم الطرق اللي هتساعدك في تعليم الاطفال المشي، لم بيبدأ ابنك يتعلم أول خطوات المشي بيكون في الوقت ده محتاج لحد يسنده ويساعده في تنفيذ الحركة، علشان كده حاولي تساعدي ابنك في مراحله الأولي من تعلم المشي، يعني مثلا امسكي أيديه لم يحاول يقوم من على الأرض علشان يمشي، وساعديه في أنه يمشي كام خطوة صغيرة.
يوخلي بالك تدريبك المستمر لتعليم طفلك المشي لحد ما يمشي بثقة، وبشكل قوي، هى الاجابة على سؤالك اللي سألتيه في البداية وهو إزاي اعلم طفلي المشي.
هيا نستكشف
والمرحلة دي هي المرحلة اللي بتيجي بعد رفع الطفل لنفسه، واللي فيها بيبدأ يمسك في أي حاجة علشان يقدر يقف، ويبدأ بعدها يستكشف العالم اللي حواليه ويتعرف عليه، وهنا لازم تتأكدي أن البيت خالي من أي حاجة ممكن تعرض طفلك للخطر، أو إنه يتعثر فيها هو وبيتعلم المشي.
وأهم حاجة ما تمنعيش طفلك من إنه يبدأ يتعلم خطواته الأولى في المشي، وده بحجة أنك خايفة عليه، لأنه الحاجة دي ممكن تخليه يفضل الجلوس بشكل دايم، ويتسبب في تأخر المشي عنده.
شجعيه على الوقوف بدون دعم
وتعتبر المرحلة دي هي آخر مرحلة في إزاي تعلمي طفلك المشي، وده لأنه في المرحلة دي بيبدأ طفلك يتعلم أزاي يقدر يحقق التوازن ويمشي بشكل صح ومن غير ما يقع.
وه معناه انه من المهم أنه طفلك يتمكن من الوقوف من غير دعم منك، يعني مثلا حاولي تلعبي معاه ألعاب تخليه يقف بطريقة مستمرة.
امتي أبدأ اعلم طفلي يمشي
طبعا مفيش عمر محدد لبدء الطفل في المشي، لكن بصفة عامة يبدأ الطفل يتعلم المشي بعد ما يكون اتعلم المشي من خلال مساندة الأثاث اللي موجود في البيت أو أي حاجة زيه، وده بيبدأ من عمر 9 شهور لحد 10 .
وفي بعض الاوقات بيبدأ بعض الاطفال تعلم المشي بعد أن يتكملوا عامهم الاول من عمرهم، وممكن يصل الأمر إلى أن يكمل الطفل عمر السنة ونصف، ومن ناحية تانية ممكن يكون في أطفال بتبدأ تتعلم المشي في عمر الـ 7 شهور، ولكن كل الحالات دي غير طبيعية.
وبكده يكون فهمنا أنه الطفل بيبدأ يتعلم المشي لم يكون هو مستعد لده، مش لم أنا أو أنتي نحب نعلمه المشي، وكل اللي علينا أنه في المرحلة اللي هو يحدد أنه يبدأ فيها تعلم المشي علينا نشجعه وندعمه علشان يحقق ده.
علامات تشير إلى قرب موعد المشي
في حاجات كتير لم تحصل مع اولادنا بتخلينا نعرف أنه الطفل اقترب من مرحلة تعليمه للمشي، واللي منها:-
- لم يبدأ الطفل يحاول يقف على الارض.
- كمان لم تلاقي طفلك بدأ يمشي بمسندة الخشب والحاجات الموجودة في البيت.
كده نكون وضحنا ليكي أهم الطرق بالترتيب لتعليم الاطفال المشي، واللي بتبدأ بإنك تعلميه يقعد لوحده، وبتنتهي بأنه يعرف يقف من غير ماتسانديه، وكمان جاوبنا على سؤالك اللي امتى اقدر اعلم طفلي المشي، واللي كان اجابته الوقت الطبيعي هو ما بين 9شهور لحد 10 شهور، بالرغم إنه في حالات بتمشي قبل كده وفي حالات بعد.
هنكون سعداء لو شاركتينا بتجربتك في تعليم طفلك المشي، ولو عندك أي سؤال سيبيه في تعليق وهنتابعه ونرد عليكي.
كتبت: شيماء عبدالباقي
