7 أطعمة تساعد طفلك على التركيز أثناء المذاكرة
كل الأمهات دايما بتبحث عن طريقة تخلي أولادها يذاكروا أفضل مذاكرة، وأهم المأكولات والمشروبات اللي تساعدهم على تحقيق المذاكرة بالشكل ده، ده غير إني بتحاول تهيئ لهم أفضل جو من الهدوء.
وفي كوكب الأطفال لأننا دايما بنهتم بمشاكلك وإني نقدملك أسهل الحلول وأفضلها هنتعرف خلال المقال ده على أطعمة تساعد طفلك على المذاكرة فلنتابع سويا.
أهم الأطعمة التي تساعد طفلك على المذاكرة
في كتير من الأطعمة اللي ممكن تقدميها لطفلك علشان تزيد من قوة تركيزه وطاقته أثناء المذاكرة، واللي منها:-
أوميجا 3
وتعتبر واحدة من أهم الأطعمة تساعد طفلك على المذاكرة والتركيز، وده لأنها مفيدة جدا للدماغ لأنها بتعمل على تحفيزه، وتحسين الدماغ والحالة المزاجية لطفلك، ممكن تحصلي عليها من الأسماك الدهنية زي مثلا ( التونة،ـ والسالمون، وسمك السردين، والهلبوت)، ده غير أنها برضو متوفرة في البيض وبذور الكتان.
ومن أهم فوايد الأوميجا 3 لطفلك أيضا أنها لها دور كبير في الحفاظ على صحة قلب طفلك، والأوعية الدموية، ده غير أنها بتساعد الدورة الدموية أنها تعمل بطريقة منتظمة، علشان كده من المهم يا عزيزتي إنك تحرصي إنك تقدمي لطفلك على الأقل وجبتين في اليوم تحتوي على مثل هذه الأطعمة.
مضادات الأكسدة
وهي واحدة من الأطعمة اللي ليها دور كبير في تحصيل أكبر قدر ممكن من المذاكرة عند طفلك، وده لأنها بتحتوي على عناصر بتساعد في تخلص دماغ طفلك من أي تلوث ممكن يدخله، زي اللي موجودة في الجذور الحرة، والمواد الكيميائية، وأي ملوثات أخرى.
ده غير أنها بتحتوي على مواد الكربوهيدرات وكمان الألياف واللي بتساعد على امداد طفلك بالطاقة التي يحتاجها، والأطعمة الغنية بمضادات الأكسدة كتير، فمنها على سبيل المثال التوت، والفروالة، والعنب البري.
البيض
يعتبر البيض واحد من أهم الأطعمة تساعد طفلك على المذاكرة، وده لأنه واحد من أهم مصادر البروتين التي يحتاجها الجسم، ده غير أنه طرق إعداده كتير ومتميزة، علشان كده من المهم إنك تتاكدي إن طفلك بياكل في اليوم بيضة على الأقل، ولازم تتأكدي أنه بياكلها كلها، مش بياكل البيضا ويسيب الصفار، وده لأنه معظم الأطفال بتحب البياض بس ومش بتحب الصفار، والفايدة كلها والعناصر المفيدة بتكون موجودة في الصفار.
والبيض بيساعد طفلك بأنه يحافظ على مستويات الطاقة اللي عنده والتركيز لفترات طويلة، وده غير أنه واحد من أفضل مصادر البروتين فهو كمان بيحتوي على فيتامين أ و د.
البقول
وتعتبر البقوليات من أكثر الأطعمة اللي ممكن تساعد طفلك على التركيز أثناء المذاكرة، وده لأنها غنية جدا بالمواد الكربوهيدارتية واللي بتساعد على تزويد جسم طفلك بالطاقة اللي محتاجها ، ده غير أنها بتحتوي على نسبة عالية من البروتين اللي بتدي احساس بالشبع، وكل العناصر دي بتساعد في تعزيز صحة طفلك بشكل عام، وتعزيز قوته الدماغية بشكل خاص.
ومن أهم مميزات البقوليات أنها وصفات سهلة وبسيطة وغير مكلفة ماديا، وممكن نحصل عليها من العدس أو الفاصوليا، أو الفول، ومن أهم فوايد البقوليات بالنسبة لطفلك أنها بتحتوي على نسبة كبيرة من البروتين والألياف واللي بيكون ليهم دور كبير في تثبيت مستوى السكر في الدماغ، وكمان بيكون لها دور فعال في المحافظة على تركيز طفلك أثناء مذاكرته.
دقيق الشوفان
وهو واحد من أنواع الألياف القابلة للذوبان، واللي بتحتوي على فيتامين B وفيتامين E ، ده غير أنه غني بالبوتاسيوم والزنك، واللي بيكون ليه دور كبير في مساعدة جسم طفلك في الحفاظ عليه وعلى دماغه والعمل بشكل قوي وفعال.
علشان كده من المهم إنك تخلي طفلك يتناول أي حاجة بتحتوي على الشوفان في وجبة الافطار في صباح كل يوم، وده لأنها بتمده بجرعة مناسبة من الطاقة طوال اليوم، وخاصة لو قدمتي معاه أحد مصادر البروتين زي الزبادي أو اللبن، أو المكسرات.
الخضروات الملونة
والخضروات بمختلف أنواعها مفيدة بشكل فعال للجسم عامة، وللذاكرة خاصة، وذلك لأنها تحتوي على الكثير من العناصر اللي بتحافظ على خلايا المخ وبتساعد على تقوية الذاكرة، والتركيز أثناء المذاكرة.
البروتينات
وتتوفر البروتينات في كثير من الأطعمة والتي من أهمها الدواجن، والأسماك، والحبوب الكاملة، والمكسرات، والفاصوليا الخضراء، والبروتينات بشكل عام وبمختلف أنواعها تعتبر غذاء قوي وأساسي للمخ، وده لأنها بتساهم بشكل كبير في ابقاء مخ طفلك يقظ ، قادر على التركيز أثناء المذاكرة، علشان كده من المهم إنك تحافظي على وجبات طفلك التي تحتوي على نسبة كبيرة من البروتين.
نصائح لتغذية طفلك أثناء فترة الدراسة
عزيزتي الحاجة اللي مهم إنك تاخدي بالك منها إنك مش محتاجة إنك تكوني حاصلة على شهادة تغذية علشان تقدري تربي أطفالك بطريقة صحية، لكن في مجموعة من اإارشادات اللي لو اهتميتي بيها هتكوني بالتأكيد بتغذي طفلك بشكل صحيح، وهو إنك تقدمي ليه وجبة متكاملة من الفيتامين والبروتين، وكل العناصر الغذائية اللي ممكن يحتاجها جسم طفلك.
وحاجة تانية كمان لازم تتركي لطفلك مساحة من الحرية في اختيار الأكل اللي بيحبه، وبأي كمية يرغبها، وده لأنه في النهاية أكيد هيختار من الأكل اللي أنتي مشترياه ومتوفر في البيت، واللي أنتي في الأساس من البداية اختارتيه بشكل صح، ودلوقتي هنتعرف على مجموعة من الإرشادات اللي ممكن تتبعيها في نظام غذاء طفلك واللي منها:-
- بلاش تحرمي طفلك من أنه يأكل بعض الأكلات الغير مفيدة واللي بيكون بيحبها، واشتريها ليهم من فترة لأخرى من غير ما تبالغي في شرائها، وده حتى لا يشعر أنه محروم منه ويخليه يأكل منها بافراط شديد لم يكون بعيد عن نظرك.
- عودي طفلك من هو وصغير أنه يأكل مختلف الأطعمة، وده لأنه تعويده في مرحلة مبكرة بيكون أسهل، غير أنه التنوع في الأكل بيكون ليه فايدة كبيرة.
- عودي طفلك على أن يستمع لأصوات جسمه واحساسه بالشبع، وده حتى لا يفرط في تناول الطعام.
كدة بنكون قدمنا ليكي أطعمة تساعد طفلك على المذاكرة واللي منها البروتينات، والكربوهيدرات، والأوميجا 3 ، واللبن والبيض.
لو في أي نوع طعام عارفة أنه بيساعد على تركيز الأطفال أثناء المذاكرة هنكون سعداء لو شاركتينا بيه في كوكب الاطفال.
