خطوات تأسيس الطفل في القراءة والكتابة
في بداية مرحلة التعليم، يحتاج طفلك إلى جهد كبير منك في المنزل لتعلم القراءة والكتابة، خصوصًا في البدايات. هذا الجهد يأتي إلى جانب العمل الذي يقوم به المعلم مع طفلك في المدرسة.
في كوكب الأطفال، سنعرض لكِ أسهل الخطوات وأبسطها التي من خلالها ستكونين قادرة على تأسيس طفلك وتعليمه القراءة والكتابة بطريقة احترافية وللمدى البعيد. هيا نتابع معًا.
تابعي كوكب المعرفة على فيسبوك وتليجرام وهاتستفيدي جدا
تأسيس الطفل في القراءة والكتابة
في بعض الخطوات اللي ممكن تتبعيها لتعليم طفلك وتأسيسه في القراءة والكتابة واللي منها:-
- استخدام المؤثرات الصوتية
من الطرق الفعالة في تعليم وتأسيس الطفل في القراءة والكتابة إنك تستخدمي الكثير من المصادر الصوتية اللي بتهتم بتعليم القراءة والكتابة للطفل، وده بيكون من خلال إنك تشجعيه على سماع الأغاني والأناشيد الموسيقية واللي بتتضمن مواضيع مختلفة، وده لأنه الموسيقى والغناء وانتهاء الأغنية بنفس القافية بيساعد طفلك كتير في تعلم الألفاظ والمفردات المختلفة.
ده بالإضافة إلى إن المؤثرات الصوتية دي بتعلمهم القراءة والكتابة بطريقة صحيحة وممتعة وده بيسهل عليهم التعلم وتأسيسهم بشكل صح في الكتابة والقراءة فيما بعد.
- تعليم لفظ الحروف
ودي تعتبر واحدة من الخطوات المهمة واللي المفروض الطفل يتعلمها في البداية حتى يسهل تأسيسه في القراءة والكتابة، وهو إنك تعلميه لفظ الحروف ونطقها بالطريقة الصحيحة، والأفضل إنك تعلميه الحالات المختلفة اللي ممكن يظهر فيها الحرف، وشكل كل حرف، وده ابتداءا من السكون وحتى الفتح، ثم الضم، والكسر، وكده بتكون بتهيئي طفلك لتعلم الحرف بأشكاله المختلفة بشكل سليم.
مقترح لك: عادات بسيطة تعمل على تنمية ذكاء الطفل بفعالية
- البطاقات التعليمية
من طرق تأسيس الطفل في القراءة والكتابة برضو استخدام البطاقات التعليمية واللي بتكون على أشكال مختلفة زي كتابة كلمة على كل بطاقة، وتطلبي من طفلك في كل مرة يسحب البطاقة ويقرأ الكلمة اللي موجودة عليها، وتطلبي منه أن يكرر قراءة الكلمة مرات متعددة، وده علشان يتمكن من نطقها بشكل صحيح، والأفضل إنك تطلبي منه أنه يكتب الكلمة الموجودة في البطاقة، مفيش مشكلة إنك تساعديه فيها، وده لأنه بيساهم بشكل كبير في تنمية مهارة الكتابة عنده.
- التعليم التدريجي
ويعتبر تعليم طفلك بشكل تدريجي واحدة من أهم الطرق اللي هتشجعه على التعليم وتحفزه، وده بيكون من خلال إنك تبدأي تعلميه الكلمات اللي بتتكون من مقطع أو اتنين في البداية، وبعد ما يتمكن من قرائتها بشكل صحيح، ثم كتابتها، ويكون قادر على التفرقة بينها وبين المفرادات المتشابهة ليها، تبدأي تعلميه الكلمات اللي بتكون أكثر طولا في المقاطع، وده هيحسس طفلك بالتحفيز للتعلم والحماسة بدل ما أنه هيشعر بالصعوبة والعجز وعدم القدرة على تحقيق التعلم.
- التهجئة
ومن أهم الخطوات اللي هتساعدك في تعليم طفلك القراءة والكتابة إنك تعلميه تهجئة المفردات مهما كان طولها، ولازم تعطي طفلك الوقت الكافي لكي يتمكن من تهجئة الكلمة، من المهم إنك تتحلي بالصبر في النقطة دي، وبلاش تتبعي مبدأ محاولة الانجاز والتفكير بشكل سريع وتقومي أنتي بتهجئة الكلمة بدل منه، وده لأنه اتباعك للخطة دي بيدي فكرة لفطلك على المحاولة وتجاوز صعوبات القراءة في المرات الجاية بعد كده بنفسه، ومن غير ما يطلب مساعدة من حد، وكل ده هيساعده في النهاية على تحسين مهارة الكتابة عنده بشكل تلقائي.
- التعلم مع الطفل
من الخطوات اللي هتساعدك إنه طفلك يتعلم القراءة والكتابة بشكل صح وسريع إنك تشاركيه مذاكرة دروسه والحاجات اللي بيتعلمها، وده لأنه الطفل بيحس في البدايات بالعجز وعدم القدرة على التعلم والملل لم يكون لوحده، وده بيكون من خلال إنك تطلبي منه أن يقرأ ويكتب الكلمات اللي بيتعلمها أكثر من مرة، ولكن يكون ده بأسلوب يتناسب مع قدراته، وسنه، سواء كنتي بتنفذي ده من خلال سرد القصص ليه، أو غناء الأناشيد، بالإضافة إلى مشاركته في تعلم الكتابة، كل الأمور دي وتشجيعك ليه بيعمل عنده نوع من التحدي للتعلم وتحقيق المهمة المطلوبة منه بكل اتقان.
مقترح لك: حيل سهلة لمساعدة طفلك على الحفظ بشكل سريع
- تشجيع الطفل على الفهم والاستيعاب
ودي من الحاجات المهمة فس تأسيس طفلك في القراءة والكتابة، وهو أنه يكون مدرك للي بيتعلمه وقادر على استيعابه وأنه مش بيكرر ويحفظ من غير ما يفهم، وده بيكون من خلال طلبك لطفلك لشرح اللي بيفهمه ويستوعبه من الحاجات اللي بيقرأها ويفهمها، وده بيطور عنده مهارة استخدام الكلمات والألفاظ اللي بيتعلمها في مكانها الصحيح، وده بيكون من خلال الطلب منه أنه يكون بعض الجمل المفيدة للألفاظ اللي تعلمها واللي تكون من تأليفه، وده لتحقيق الفائدة بشكل كامل من تعلم الحروف والألفاظ قراءة وكتابة.
- تقييم الطفل
من الأفضل إنك تقييمي طفلك في القراءة والكتابة سواء كان ده من خلال تعاملك معاه أنتي في البيت وتعليمه القراءة أو الكتابة، أو تطلبي من مدرسه في المدرسة تقييم ده، وده لأنه التقييم بيساعدك على اكتشاف نقاط القوة والضغف عند طفلك، ومن ثم اتخاذ الإجراء الصحيح لتقوية مهاراته في نقاط الضعف لديه، وتنفيذ ده بيكون من خلال وضع خطة عملية ومحكمة تهدف إلى تعليمه بشكل أفضل، ويكون لها طابع إيجابي في نفس طفلك.
نصائح لمساعدة الطفلك على تطوير القراءة والكتابة
في مجموعة من النصائح اللي ممكن تتبعيها لتطوير مهارة القراءة والكتابة عند طفلك واللي منها:-
- حاولي أن تجمعي بين اللعب وتعلم طفلك للقراءة والكتابة، وده لأنه أكتر حاجة بيحبها الاطفال عامة اللعب، وده هيساعده على التعلم بطريقة يفضل فاكرها، ومن المهم إنك تقدمي مجموعة مختلفة من الأساليب والموضوعات وتهتمي دايما بإنك تخلي طريقة تعلم القراءة والكتابة مرتبطة بأنشطة ممتعة.
- اطلبي من طفلك أنه يقارن بين الكتب واحتلافها في الصور، وأنه يقولك على مناطق الاختلاف في كل كتاب زي شكل الغلاف، ورقم الصفحة، والعنوان الحاجات دي كلها بتنمي من مهارة القراءة والكتابة عند طفلك.
- قدمي لطفلك مجموعة من الألوان والأقلام ودفتر يمكن أنه يخربش عليه ويلون وده علشان يساعده على تطوير مهارة الكتابة والقراءة عنده.
كده يكون انتهينا من مقال خطوات تأسيس الطفل في القراءة والكتابة من الصفر حتى الاحتراف، وده من خلال إنك تعرضي عليه بعض الأغاني والأناشيد اللي بتعلمه الحروف، ومن خلال التهجئة، وتشجيع طفلك على الاستيعاب والفهم.
هنكون سعداء في كوكب الاطفال لو شاركتينا بتجربتك مع طفلك في تعليمه القراءة والكتابة وتقوليلنا على أفضل الطرق الفعالة في تعليمه من خلال تجربتك.
كتبت: شيماء عبدالباقي
