الحروف الابجدية الانجليزية ..
البداية الصحيحة لتعليم الطفل اللغة الانجليزية
تعليم الاطفال الحروف الابجدية الانجليزية في الوقت الحالي أصبح أمر مهم، وذلك لانها أصبحت لغة العصر.
وقبل البحث عن أهم الطرق التي تساعدك لتعليم طفلك اللغة يجب أن تعرفين كيف تجعليه يحب تعليم اللغات الأجنبية.
من أسهل الطرق التي يمكنك أن تحببي بها طفلك تعليم الحروف الابجدية الانجليزية، هي اللعب والمرح.
لأن أحب حاجة لقلب الطفل اللعب، ربط اللعب والمرح بالتعلم ده هيساعدك جدا.
إزاي تربطي بين التعليم والمرح في تعليم ابنك الحروف الانجليزية؟
أهم الطرق لتعليم الاطفال الحروف الابجدية الانجليزية
طبعا في طرق كتير ممكن تعلمي بها طفلك الحروف الانجليزية، لكن هنا في كوكب الاطفال اختارنا ليكي شوية طرق هتساعدك كتير وتسهل عليك، واللي منها:-
أولا: الانشطة
ودي واحدة من الطرق السهلة اللي هتساعدك في تعليم طفلك الحروف الانجليزية، وأنتي هتختاري اللي يناسب طفلك حسب عمره، واللي منها:-
- كتب التلوين
والكتب دي بيبقى مكتوب فيها الحرف باللون الابيض أو الاسود، وتطلبي من طفلك أنه يقوم بتلوين هذه الحروف، وده بعد ما يكون عرفتيه على كل حرف وقرأتيه ليه.
- كتب توصيل النقاط مع بعض
ودي عبارة عن كتب بيكون مكتوب فيها شكل الحروف الابجدية الانجليزية على هيئة نقاط، وبتطبي من طفلك أنه يوصل النقط دي ببعض حتى يتعلم كيفية كتابة الحروف الانجليزية الكبيرة والصغيرة، والتمكن من نطقها بعد أن تقومي بتكرار نطقها على مسامعه.
- كتب الصور
وهذه الطريقة واحدة من أسهل الطرق لتعليم الاطفال الحروف الانجليزية، وده لأنه الكتب دي بيكون فيها صورة اول حرف من اسمها بيكون الحرف اللي بيتعلمه طفلك.
ثانيا: الالعاب
وربط تعليم الحروف الابجدية الانجليزية باللعب زي ما قولتلك فوق بيربط ما بين الترفيه والتعليم، وهتسهل عليكي كتير في تعليم طفلك الحروف.
يعني مثلا في لعبة على شكل حروف بلاستيك، دي ممكن تشتريها لابنك وتطلبي منه يرتب الحروف الانجليزية، أو إنك تطلبي منه ان يعرض عليكي أول حرف لكل صورة بتعرضيها عليه.
ثالثا: الاغاني
وطبعا الاطفال بتحب الاغاني جدا، وإنك تختاري أغنية سهلة ومميزة لطفلك تعليمه منها الحروف الانجليزية هيسهل عليكي كتير، وهتسهل على طفلك وهتركز في دماغه ومش هينساها.
والميزة التانية لسماع الاطفال الاغاني اللي بتعلمهم الحروف الانجليزية أنها بتساعدهم على نطق الحرف بالشكل السليم.
وممكن تستعيني بفيديو زي ده
رابعا: اسم الطفل
وأكتر حاجة ممكن تلفت نظر الطفل هو أنك تجمعي الحروف الانجليزية اللي بتكون اسمه، وده علشان يدرك انه تجميع الحروف هو عبارةعن كلمات.
خامسا: كتب الالغاز
والطريقة دي واحدة من اكثر الطرق الشيقة لتعليم الاطفال الحروف الانجليزية، وده لأنه فيها كتيير من الالغاز اللي بتساعدك تعلمي طفلك الحروف الانجليزية.
والكتب دي هتلاقيها متوفرة كتير في المكتبات، أو ممكن تشتريها من متجر كوكب المعرفة
أشياء يجب أخذها في الاعتبار عند تعليم الاطفال الحروف الانجليزية
في حاجات كتير لازم تاخدي بالك منها لم تعلمي طفلك الحروف الانجليزية، واللي لازم تلفتي نظر المدرس اللي بيعلم طفلك في المدرسة ليها، واللي منها أنه لازم ياخد باله أنه الاطفال كلهم لازم يكونوا مشاركين أثناء تعليمهم الحروف.
يعني مثلا زي أنه يطلب منهم انجاز مجموعة من الانشطة اللي بتساعدهم في تعليم الحروف الانجليزية، وده علشان محدش يحس من الاطفال أنه في طفل تاني مميز عليه.
كمان لازم نشجع الطفل اللي ينهي الانشطة في الأول، وده علشان يحس بقيمة التقدير للجهد اللي بذله، واللي هيحفزه على أنه يتعلم أكتر، كمان هتساعد على خلق روح من التنافس للتعلم بين الاطفال.
الاشخاص المناسبين لتعليم الاطفال الحروف الابجدية الانجليزية
طبعا في كتير من الصفات اللي لازم تكون متوفرة في الشخص اللي هيعلم طفلك الحروف زي مثلا:-
- أنه الشخص لازم يكون مؤهل تعليميا وفنيا لتعليم طفلك الحروف، وده لانه المعلم ممكن يكون سبب في حب أو كره الطفل للتعليم، وده لان المعلم بياخد المرتبة التانية في تعليم الطفل بعد الام والاب.
- من المهم أن يكون المدرس اللي هيعلم طفلك على وعي كافي بعلم النفس الخاص بنمو الطفل، وده لأنه من خلاله هيعرف مدى استيعاب طفلك للتعلم بناءا على نموه، وحاجاته، ومرحلته العمرية.
- لازم المدرس نفسه يكون عنده شغف في المهنة دي، وأنه فعلا بيحب أنه يعلم الاطفال وعنده صبر للحاجة دي، وانه يكون قادر على أنه يبني علاقة قوية بينه وبين الطفل أساسها الحب والصداقة.
كده أكون أنا خلصت كل اللي عايزة أقولهولك في كيفية تعليم الاطفال الحروف الابجدية الانجليزية، لو أنتي حابه تسألي أو تستفسري على أي حاجة ممكن تسيبي كومنتك وأنا هتابع وأرد عليك.
كتبت: شيماء عبدالباقي
