ثمانية طرق هتساعدك في تحقيق السعادة لطفلك
كيف اجعل طفلي سعيد سؤال بيتردد على كل أم وخاصة الأمهات اللي بتهتم بالصحة النفسية لأولادها، خاصة أنه في كتير من المعلومات في إزاي تنمي ذكاء طفلك، أو إزاي تخلي طفلك متفوق، وغيرها كتير من الأمور اللي بتشبه المواضيع دي.
ولأنه في كوكب الأطفال بتهمنا مشاكلك ونساعدك في الوصول لحل ليها يكون مرضي بالنسبة ليكي ومقنع، هنتعرف دلوقتي مع بعض على إجابة سؤالك كيف اجعل طفلي سعيد.
كيف يمكنك تحقيق السعادة لطفلك
في كتير من الخطوات اللي ممكن تساعدك في إنك تخلي طفلك سعيد، واللي منها:-
كوني أنت سعيدة
ودي حاجة من الحاجات المهمة اللي هتساعد في إنك تخلي طفلك سعيد، وده لأنه بيستمد طاقته منك لأنه في مراحل عمره الأولى بيكون مرتبط بيكي أكتر حاجة، والحاجة اللي من المهم إنك تاخدي بالك منها إن الحاجات اللي بيتربي عليها طفلك هو وصغير بتفضل مأثره على شخصيته وسلوكياته طول عمره.
علشان كده من المهم إنك تحسسيه بكل حاجة حلوة في المرحلة دي، ده غير أصلا أنه كثير من الأبحاث والدراسات أثبتت أنه الطفل بيتأثر بأمه بشكل تلقائي، وده من خلال دراسة عملتها أحد الجامعات على الأطفال اللي بيعانوا من مشاكل سلبية سواء كانت في نتايجهم الدراسية، أو حتى من سلوكيات خاطئة بيعملوها في حياتهم العملية بيكونوا نتيجة أن أمهاتهم تشعر بحالة من الاكتئاب.
وعلشان تقدري تحققي السعادة لنفسك ومنها تحققي السعادة لطلفلك من المهم إنك تخرجي مع ناس بتديكي طاقة إيجابية، وده لأنه هيساعدك كتير في الشعور بالسعادة، غير أنها لو كنتي بتعاني من حالة اكتئاب هتقدري تتجاوزيها بكل سهولة.
توقعي الجهد وليس الكمال
كتير من الآباء والأمهات لم بيطلبوا أي مهمة من أطفالهم خاصة لو كانت متعلقة بمستواهم التعليمي أو أي أمور تخص الدراسة بيطلبوا منهم مجهود كبير وده لمجرد أنهم يثنوا عليهم، وللأسف الطريقة دي غلط بالمرة، ده غير أنه دراسات كتير أثبتت أنه الآباء والأمهات اللي بيتعاملوا بالطريقة دي بيكون أطفالهم أكثر عرضة للأكتئاب والقلق من أي طفل آخر.
علشان كده احذري أنك توقعي في الحتة دي وده لأنه الأسلوب ده بيحول نجاح طفلك إلى تأدية مهمة من أجل الحصول على رضاكي أنتي أو باباه، أنتي من المهم إنك تطلبي منهم أنه ينفذوا مهامهم الدراسية أو أي حاجة غيرها، لكن توقعي منهم الاجتهاد قدر المستطاع، ولكن كوني على علم أنهم مش هينفذوها بدرجة كاملة أو بالشكل اللي يرضيكي.
علميهم كيفية بناء العلاقات
والخطوة دي تعتبر واحدة من أهم الإجابات على سؤالك كيف اجعل طفلي سعيد، وده لأنه الكثير من الدراسات والأبحاث أثبتت أنه بناء العلاقات بين الأطفال بيكون ليه تأثير على المدى الطويل في جعلهم سعداء، وعلى سبيل المثال ممكن تحققي ده من أنه دايما تشجعي طفلك أنه يتواصل مع صحابه من على الانترنت هو وفي البيت، وده بيكون من خلال اتفاق بينك وبين أمهات صحاب طفلك.
علميهم الذكاء العاطفي
والذكاء العاطفي ده مهارة بيتم اكتسابها من الحياة، يعني مش بتبقى موجودة بالفطرة، وتعلميهم الذكاء العاطفي وأنهم يكونوا قادرين على فهم مشاعرهم والتعبير عنها حتى لو كانت سيئة هيساعدهم أنهم يكونوا سعداء وناجحين بشكل قوي، ده غير يا حبذا لو كان عندهم المهارة اللي يقدروا يفهموا بيها مشاعر اللي حواليهم.
وتقدري تعلمي طفلك الذكاء العاطفي وأنه يكون قادر على التعبير على مشاعره حتى لو كانت سيئة من إنك تتكلمي معاه كتير، وتعرفي أيه هي الحاجات اللي بتاضيقه أو بتفرحه.
علميهم التفاؤل
وده هبكون من إنك تعلميه يبص للحاجات الحلوة اللي عنده، ومش يكون تفكيره بس في الحاجات اللي بيفتقدها، أو الجانب اللي مش عاجبه في حياته، كل الحاجات دي هتخليه يبص للحياة بتفاؤل، والتفاؤل والسعادة مرتبطين ببعض ارتباط غير عادي.
ولو عملتي مقارنة بين المتفائلين والمتشائمين هتلاقي أنه الأطفال المتفائلين بيكونوا أكثر نجاح في دراستهم وحياتهم العملية وممارسة الأنشطة الرياضية، ده غير إنك هتلاقيهم أكثر رضا عن زيجاتهم، وأقل عرضة للاكتئاب من الأطفال الآخرين.
علميهم الانضباط الذاتي
وده هيكون من إنك تعلميه في مجموعة من الأمور يجب عليه تنفيذها في وقت معين، ولازم ينفذها بنفسه، وده لأنه في كتير من الدراسات أثبتت أن الأطفال الذين كانوا منضبون ذاتيا وهم صغار هم الذين سيكونوا سعداء فيما بعد.
ده غير أنه الانضباط الذاتي هيسهل على الطفل معالجة الكثير من أمورالحياة، كمان هيقوي قدرته في التعامل مع الاحباط والتوتر بشكل أفضل، وهيتعلم منه أيضا أنه يكون على قدر كافي من المسئولية الاجتماعية.
ابتكري عادات السعادة
وده ممكن إنك تنفذيه من خلال إنك تبعدي عن طفلك كل الحاجات اللي ممكن تشتت انتباهه وكذلك الاغراءات، وتحاولي تدعميه اجتماعيا، وده ممكن تنفذيه من خلال مدحك لكل تصرف ايجابي بيعمله، زي أنه مثلا يرحب بضيوف عندكم في البيت.
جهزي بيئة سعيدة
طبعا مفيش شك أنه أي إنسان بصفة عامة بيتأثر ببيئته، سواء كانوا صغار أو كبار، لذلك حاولي أن تصنعي بيئة سعيدة لطفلك، ومن أهم الخطوات اللي ممكن تاخديها لتنفيذ ده إنك تقللي وقت مشاهدة التلفزيون لأطفالك، وده لأنه كتير من الأبحاث أثبتت أن مشاهدة التلفزيون كتير بتقلل من السعادة عند الإنسان.
كمان في كتير من الأنشطة اللي ممكن تكون مفيدة وتبعث في نفوس أطفالك السعادة هم وبيمارسوها، وهتحقق لهم إفادة من جميع الجوانب.
كده يكون قولتلك على بعض الأمور المهمة واللي هي إجابة على سؤالك كيف اجعل طفلي سعيد واللي منها إنك أنتي تكوني سعيدة أو لا، وأنك تتوقعي من أطفالك الجهد وليس الكمال، وإنك تعلميهم بعض الأمور زي إنك تعلميهم الانضباط الذاتي، وإزاي يكونوا متفائلين، وأخيرا أنك تهيئ لهم بيئة سعيدة.
لو عندك أي اقتراح تعرفي تخلي طفلك من خلاله إزاي يبقى سعيد هنكون سعداء في كوكب الأطفال لو شاركتينا به
كتبت: شيماء عبدالباقي
