مفهوم منهج ريجيو إميليا، ومميزاته، واهم فلسفته ومبادئه
طبعا كل الآباء والأمهات دائما يبحثوا عن أفضل شئ لأبناهم، وخاصة لو كان الأمر يتعلق بالتعليم، وفي الفترة الأخيرة ظهرت حاجات كتير في المناهج التعليمية والتربوية، واللي بيكون هدفها تعليم الطفل بطرق غير تقليدية، واللي بتهتم بتعزيز مهاراته في سن صغير.
ويعتبر منهج ريجيو إميليا التعليمي الأطفال واحد من أهم المناهج التعليمية، وفي المقال ده هنتعرف على ما هو منهج ريجيو، ومميزاته، وحاجات تانية كتير، تعالي نتعرف عليها مع بعض.
مفهوم منهج ريجيو إميليا التعليمي للأطفال
تم تسمية المنهج بالاسم ده نسبة للمكان الذي نشأ فيه، وهو إيطاليا، وهو عبارة عن فلسفة تعليمية خاصة بالأطفال في المرحلة العمرية لهم من ثلاث سنوات إلى ستة، وبدأ هذا المنهج التعليمي لوريس مالا جوزي هذا النهج الجديد للتعلم بعد الحرب العالمية الثانية.
واستند لوريس في هذا المنهج على أن الأطفال عندهم فطرة التعلم والفضول، وبيكونوا دايما على استعداد لمواجهة التحديات، ده غير إن الناس اللي حواليهم ممكن تديهم أفكار خارج الصندوق باستخدام طرق غير تقليدية.
ومنهج ريجيو إميليا بيعتمد على أنه للطفل 100 لغة، واللغات دي عبارة عن طرق التواصل المختلفة للطفل مع البيئة اللي حواليه، ومن أهم ما يميز هذه اللغات أنها موحدة عند كل الأطفال ويمكن لهم جميعا التعامل بيها، واللي منها الموسيقى، والعلوم، ولغة الجسد، والفن والابتكار والبناء، والرقص، والخيال
كل اللغات دي بيتم استخدامها في تعليم الطفل وفهم العالم اللي حواليه، ومنهج ريجيو إميليا بيؤمن أن الطفل هو مركز التعلم الخاص بيه، بمعنى أنه هو المسئول عن تعليم نفسه بنفسه، وأن الأب والأم والمعلمين كلهم وسائل مساعدة لتعليمه خلال هذه الرحلة.
وفي مدارس ريجيو إميليا بيتم تصميم الفصول على شكل البيوت ، وده علشان تكون بيئة جذابة للطفل ، بالإضافة إلى أن البيئة بتعتبر جزء مهم من تجربة التعلم.
مميزات منهج ريجيو إميليا
في كتير من المميزات لمنهج ريجيو إميليا التعليمي واللي منها:-
تعليم الأطفال التعاون معا
يعتمد منهج ريجيو على وجود الأطفال في بيئة واحدة، وده علشان تكون بيئة مألوفة بالنسبة ليهم ومحفزة لهم، بالإضافة للتعاون مع بعضهم في مشروع واحد.
زيادة شغف الطفل للتعلم
وتعتبر دي واحدة من أهم مميزات منهج ريجيو، وده لأنه الطفل فيها بيختار المنهج اللي حابب يدرسه بناء على اهتماماته، وده اللي بيخلي عنده شغف دايم أنه يتعلم الحاجة اللي بيدرسها.
المنهج مناسب لجميع الأطفال
يعتمد منهج ريجيو إميليا على فلسفة أن كل الأطفال قادرون، وهو ما يجعل هذا المنهج مناسب للأطفال من مختلف المستويات.
تحفيز الطفل على التجاوب والتعلم
وهو على عكس طرق التعليم التقليدية، وده لأنه الطفل في منهج ريجيو إميليا بيتعلم بمشاركة المدرس والناس المحيطة بيه، بمعنى أنه هو المسئول عن تعليم نفسه، وده بيكون من خلال استكشاف الاجابات، والعمل على تعزيز مهارات التفكير النقدي وحل المشاكل.
تعزيز مواهب الطفل
من أهم مميزات المنهج ده برضو أنه في دمج قوي لمختلف الفنون زي الموسيقى والغناء والرسم والبناء، علشان كده المنهج ده يعتبر مفيد جدا للأطفال اللي عندهم اهتمام بالمجالات دي.
كيف يمكن ادخال منهج اميليا إلى المدارس
- من المهم أن الكادر التدريسي أن يعرف أن كل طفل فريد من نوعه، وأنه ليه اهتماماته المختلفة اللي هيعبر عنها بطرق كتير، الاعتقاد ده هيخلق بيئة مشتركة من التعلم، فهناك أطفال يتعلمون وأيضا معلمون، ويخلق بينهم علاقة تشاركيه.
- الاعتماد على حواس الأطفال في التعلم زي الشم والتذوق، والمساعدة في التعلم، وده لأنه ممكن يتفاعل بسهولة مع عناصر طبيعية، وكتير من المواد التي ممكن تثير فضولهم.
- التكيف بشكل كامل للأطفال مع المدرسة، والحرص على الاتصال مع عائلة كل طفل، وده بحيث أن كل المعلمين يكونوا مسؤليين عن تطوير بيئاتهم ومناهجهم.
المبادئ الأربعة لمنهج ريجيو أميليا التعليمي للأطفال
في أربع مبادئ لمنهج ريجيو التعليمي، وهي:-
التعرف على اهتمامات الطلاب
وده بيعني أنه الدراسي بشكل أساسي تكون عبارة عن مزيج ما بين الحاجات اللي بيهتم بيها الأطفال، والتواصل مع عائلة كل طفل، وهيكون من خلال الملاحظة الدقيقة للمعلم لنمو طلابه، واللي هيقدر يلاحظه من خلال عقد جلسات تخطيط، علشان يقارن فيها ملاحظاتهم واتخاذ قرار فيما يخص طريقة معاملة الأطفال، والمواد، وكيف يمكن تدريسها لهم.
التعليم من خلال اللعب
وهو أنه يتم تعليم الأطفال من خلال اللعب والمغامرات، وده بيكون من خلال توجيه المعلمين للطلاب للأنشطة اللي بيحبوها، ومن الضروري أنه كل معلم يسجل كل ملاحظة لطالب معين عن ميوله واهتماماته.
تبني أفكار الأطفال
منهج ريجيو إميليا بيدعو لتبني أفكار الطفل وده من خلال تقديم أي حاجة تعملوها بأشكال مختلفة زي الدراما، والرقص، والفن، والموسيقى، وكمان فن الدمي وغيره كتير من الفنون الأخرى، فممكن نلاقي طفل بيتشد للرقص أكتر من الرسم، وده علشان يقدر يحكي قصته، وكل الأمور دي بتساعد الطفل أن يخرج أفكاره، ده غير أنها بتعزز من ثقته بنفسه.
مساعدة الأطفال في تنفيذ أفكارهم
وهنا واجب على المعلمين أن يشجعوا المجموعات أنهم يعملوا مع بعضهم البعض، وده هيكون باستخدام المفاوضات والاحترام والمقارنات والمفاوضات مما يساعد على خلق بيئة تعاونية، والتي تعمل على تعزيز النمو.
بالإضافة إلى أن الأطفال هتتعاون مع المعلمين حول الكثير من اهتماماتهم، وكمان مساعدة الأطفال تشعرهم بأنهم محترمين ومسمعين فيعمل على تطويرهم وتقدريرهم لذاتهم.
كيف تكون بيئة الفصل الدراسي عند ريجيو إميليا
يشبه الفصل الدراسي في منهج ريجيو إميليا إلى حد كبير إلى منزل جميل، واللي بيكون مليان بالشبابيك الكبيرة اللي بيدخل منها نور الشمس في الفصل الكبير اللي مليان بالسجاد، ده غير الأرفف اللي بتكون مليانه بالكتب و مليانه بعناصر اللعب الطبيعية.
كيف تكون معلما في مدارس ريجيو إميليا
علشان تقدر تكون مدرس في مناهج ريجيو إميليا لابد أن تتحلى بمجموعة من الصفات، واللي منها:-
- أن تكون واحد من الناس اللي بتمتلك القدرة على المجازفة.
- أنك تتمتع بقوة الملاحظة، وتتسم بالمرونة والعفوية.
- مشاركة الأطفال في الألعاب المنتجة واللي تساعد الأطفال على النمو.
- أنك تكون قادر على تعليم الأطفال باللعب، وده من خلال إنك تديهم الحرية الكاملة في اختيار الألعاب التي يحبوها.
- كن متجاوب مع الأطفال، وده من خلال إنك تديهم الفرصة المناسبة من أجل التفكير والمحادثة.
كده يكون تعرفنا مع بعض على ما هو منهج ريجيو إميليا التعليمي للأطفال، وأهم مميزاته، وكيف يمكن ادخاله إلى المدارس، وأهم الأسس التي يرتكز عليها، وكيف تكون بيئة الفصل الدراسي في منهج إميليا، وأخيرا كيف تصبح مدرس في هذه المناهج.
بعد أن تعرفت على مناهج ريجيو إميليا هل تحب أن يكون طفلك طالبا فيها؟.
