ازاي احفز طفلي أنه يتعلم الموسيقى
في طرق كتير بيعتمد عليها مدرسين الموسيقى في تعليم الاطفال الموسيقى، وفي طريقة بيعتبرها معظم مدرسين الموسيقى هي الطريقة الافضل والأسهل لتعليم الطفل الموسيقى، وهي الاعتماد على الفضول الفطري عند الطفل في التعلم.
في طرق كتير بيعتمد عليها مدرسين الموسيقى في تعليم الاطفال الموسيقى، وفي طريقة بيعتبرها معظم مدرسين الموسيقى هي الطريقة الافضل والأسهل لتعليم الطفل الموسيقى، وهي الاعتماد على الفضول الفطري عند الطفل في التعلم.
واللي أقدر أقولهولك انه في طرق كتييير لتعليم الاطفال الموسيقى، ولكل طريقة منهم فلسفة خاصة في التدريس، لكن الشئ الجميل في كل هذه الطرق أنها مش بس بتعلم الاطفال أنهم يكونوا مستمعين للموسيقى، لأ هي كمان بتعلمهم إزاي يكونوا مبدعين فيها، والطرق دي تم اختبارها على المدى الطويل وثبت نجاحها في تعليم الموسيقى للأطفال.
طرق تعليم الاطفال الموسيقى
في طرق كتير لتعليم الاطفال الموسيقى واللي منها:-
طريقة نهج أورف
ودي احدة من أسهل الطرق لتعليم الاطفال الموسيقى، وده لأنها بتعمل مزج بين الرقص والغناء والتمثيل وده باستخدام الكثير من آلات الموسيقى زي الاكسيلوفون وجلوكينسبيلز، واللي بتعمل تشغيل لعقل وجسم الطفل في نفس الوقت.
أهم حاجة المفروض ناخد بالنا منها لم نعلم أطفالنا الموسيقى نمزج بين درس الموسيقى اللي هنعلمهوله وبين اللعب، وتعتبر الطريقة دي أسهل طريقة في الأربع طرق اللي هنتعرف عليها مع بعض.
والطريقة دي بتعلم أطفالنا الموسيقى في أربع خطوات هي التقليد، والاستكشاف، والارتجال، والتكوين.
طبعا من البديهي أنه في تطور طبيعي للطريقة دي قبل ما نوصل لاستخدام الأدوات، يعني الصوت دي أول حاجة بنتعلمها فيها وده بيكون من خلال إني أطفالنا تغني الاغاني والأناشيد، بعد كده مرحلة قرع الجسم اللي بتتمثل في التصقيف، وأخيرا دلوقتي مرحلة استخدام الأدوات اللي قولنا عليها فوق.
طريقة كوادلي
والطريقة دي بتأكد على أن تعليم الاطفال الموسيقى في وقت مبكر ييكون بشكل سريع، حتى أسرع من استجابتهم لتعليم القراءة والكتابة، والطريقة دي بتعتمد على الموسيقى الشعبية في تعليم أطفالنا الموسيقى.
كوادلي وهو مؤسس فكرة الطريقة دي في تعليم أولادنا الموسيقى، وبيعتمد فيها على مبدأ التسلسل في التعليم، يعني كل درس مبني على الدرس اللي قبله، وفيها كان بيأكد كوادلي أن الغنى هو أساس تعلم الموسيقى.
وفيها أول حاجة بنشوف القراءة الخاصة بالإيقاعات، ولازم نحفظها كويس ونحفظها لأولادنا، وتعلم الايقاعات بفهم الاشارات اليدوية، وده لأن إشارات اليد بتساعد أولادنا في أنهم يستوعبوا العلاقة المكانية بين الملاحظات.
طريقة سوزوكي
والطريقة دي تعتبر هي طربقة العازف اليباني سوزوكي، وسوزوكي صمم الطريقة دي بأسلوب قريب من أسلوب تعلم أي طفل للغة الأم له،واللي فيها ممكن تطبيق الأساسيات لتعليم أطفالنا الموسيقى، وهتكون باستماع الموسيقى، التكرار، والحفظ، وبناء المفردات، وكتير من الحاجات اللي زي الحاجات اللي بيتعلمها الطفل في اللغة في البداية.
في الطريقة دي مشاركتنا لأدولادنا مهمة جدا، لأنها التحفيز والتشجيع بشكل دائم بيساعد كتير في تعليم أطفالنا أي شئ.
طريقة دالكروز
والطريقة دي بتربط الحركة والجسم والعقل كلهم ببعض، والطريقة دي بتختلف عن أول طريقتين ذكرناهم فوق في أنها بتبدأ بتدريب الأذن الداخلية على الموسيقى في الأول، على عكس الطريقيتين الأولانين اللي بترتبط سماع الموسيقى بالحركة.
والطريقة دي بتساعد كتير في تعليم الاطفال الموسيقى لأنها بترتبط برضو بالارتجال، وده هيساعد أطفالنا كتير في صقل رودو أفعالهم بشكل عفوي، وحركات أجسامهم لم يسمعوا الموسيقى.
تعليم الاطفال الدفاع عن النفس واكتساب الجرأة
فوايد تعليم الموسيقى لأطفالنا
طبعا في فوايد كتير لتعليم اطفالنا الموسيقى منها:-
- زيها زي أي نشاط رياضي بتعلميه لطفلك، وده لأنها بتساعد في تطوير وتنمية قدرات طفلك الذهنية والعقلية.
- بتساهم بشكل كبير في تطوير حواس طفلك، وده لأنها بتحتاج للتنسيق بشكل مستمر بين العقل، وبين حاستي اللمس والسمع.
- بيكون لها دور كبير في تقوية الذاكرة للطفل، وده لأنه الطفل بيبذل مجهود كبير في أنه يحفظ الدروس والنوتات بشكل سليم وصحيح.
- بتساهم بشكل كبير في تطوير ذكاء الطفل خاصة إذا كان في عمر ما بين 4 سنين لسن 12 سنة، وده لانها بتمكن الطفل من القدرة على التفكير، واللي بيكون قادر من خلالها على تحويل النوتات اللي بتكون مكتوبة إلى موسيقى جميلة لها معنى وتأثير.
- بتساعد الطفل في أنه يقدر يسيطر على انفعالاته وتساعده على التركيز وده لأنها بتساهم في تطور قدرات الطفل العقلية.
- من أهم فوايد الموسيقى أنها بتعلم أطفالنا الثقة بالنفس، خاصة لو الطفل تعود على أنه يعزف بالحفلات قدام أهله وأصحابه.
- تساهم برضو في تحسين المستوى الدراسي للطفل، وده لأنها بتعلمه تنظيم الوقت وتوزيعه بشكل صحيح بين الأنشطة اللي هينفذها خلال يومه.
أنا كده أكون جمعت أبسط الطرق اللي ممكن تساعدنا في تعليم الاطفال الموسيقى، واللي بتتمثل في أربع طرق طريقة سوذوكي، وطريقة دالكروز، وطريقة كوادلي، وطريقة أورف، وكمان قولنا على أهم فوايد تعليم الموسيقى اللي منها تقوية الذاكرة وتحسين المستوى الدراسي للطفل
هنكون سعداء لو شاركتنا بتجربتك في تعليم ابنك الموسيقى إزاي.
كتبت: شيماء عبدالباقي
