دراسة متكاملة لمشروع حضانة أطفال

وأهم الشروط والأوراق المطلوبة

يعتبر مشروع حضانة الأطفال واحد من المشاريع الأكثر ملائمة للإناث ، لأن العناية بالأطفال تعتمد على قدرة النساء في الاهتمام بالأطفال، غير إنه واحد من المشاريع المربحة.

ولكن قبل أن تفكري في فتح هذا المشروع لابد من عمل دراسة متكاملة لمشروع حضانة الأطفال، من حيث الترخيص والأوراق المطلوبة لفتح الحضانة، وغيرها الكثير من الأمور.

في كوكب الأطفال سنتعرف على كل التفاصيل اللازمة… لنتابع.

إقرأ أيضا: حيل سهلة لمساعدة طفلك على الحفظ بشكل سريع

دراسة متكاملة لمشروع حضانة أطفال

من العناصر المهمة اللي لازم تتبعيها في البداية هو عمل دراسة متكاملة لمشروع حضانة الأطفال، وده علشان يضمن ليكي التكاليف اللازمة لكل بند محتاجها الحضانة ومن ثم رأس المال العام اللي هيحتاجه المشروع، ومن ثم تقدري تحسبي الأرباح والتكاليف، وعناصر التكلفة بتتمثل في الآتي:

اختيار الموقع الجغرافي المناسب

والمقصود باختيار الموقع الجغرافي المناسب أنه يكون مكان هادئ بعيد عن المناطف الزحمة والدوشة، وأصوات السيارات المزعجة، بالإضافة إنه المكان من الضروري يتوفر فيه قدرة الشمس على الدخول للفصول، وده لضمان التهوية بشكل جيد ودائم.

ومن الأفضل إن الحضانة يكون فيها منطقة زراعية تخصصيها لألعاب الأطفال في الحضانة، والأفضل إنك تغطيها بالعشب الصناعي، ودى علشان تكون آمنة على  الأطفال في حالة أنهم وقعوا على الأرض، ومن معايير اختيار المكان المناسب للحضانة، إنها تكون قريبة من السكان المستهدفين، بالإضافة إلى أنه يفضل أن الحضانة تكون في دور أرضي لضمان سلامة الأطفال.

ومن الحاجات المهمة في اختيار الموقع الجغرافي إنك تختاري مكان حسب ميزانيتك المالية واللي بتكوني محددها لمشروعك، فليس من المعقول إن تضعي معظم رأس المال في شراء قطعة الأرض، وتهملي باقي عناصر تكلفة المشروع.

البناء المناسب لمشروع حضانة الأطفال

لو كنتي حابة استئجار مكان لفتح الحضانة بدلا من شراء قطعة أرض وبنائها لابد أن تعيدي تخطيطها، وتضعي في اعتبارك مجموعة من النقاط والتي تتمثل في الآتي:-

تقسيم المبني لمجموعة من الفصول، وده علشان تقدري توزعي فيها الأطفال حسب الفئة العمرية ليهم، بالإضافة إلى ضمان عدم تزاحم الأطفال في غرفة واحدة، واللي بيخلي الأمراض تنتشر بينهم بشكل سريع، بالإضافة إلى أنه السيطرة عليهم هيبقى أمر صعب.

كمان ما تنسيش تجهزي الحمامات بشكل معين يتناسب مع الأطفال، يعني مثلا إنه تخلي المغاسل الخاصة بيهم منخفضة، وده علشان يقدر الطفل أن يلحقها بنفسه ويغسل إيديه، والهدف من ده مش بيقتصر على أنه الطفل يلحق الحوض بنفسه يغسل أيديه، لكن الغرض منها تعليم الطفل، ومن المهم إنه حد يرافقه هو وبيغسل إيديه، وده علشان يتأكد أنها غسلها بشكل جيد.

ومن الحاجات المهمة اللي لازم تخلي بالك منها برضو إنك ما تخليش مكابس كهرباء قريبة من الأطفال، وده لضمان صحتهم وعدم المساءلة بشكل قانوني عليهم، وأهم حاجة إنه ثمن ايجار المبنى يكون متناسب مع الميزانية الخاصة بالمشروع.

إقرأ أيضا : كيف تتعامل مع مشكلة السرقة عند الاطفال بطرق إيجابية

الأدوات والمستلزمات

والأدوات اللي المفروض تكون متوفرة في كل فصل من فصول الحضانة بتختلف من طفل للتاني حسب عمر الأطفال اللي في الفصل، يعني من المهم أنه يتوافر في كل فصل من الفصول مجموعة من الألعاب المسلية للطفل، واللي من الأفضل أنها تكون ذات طابع تعليمي، وده هى علشان الأطفال لا تشعر بالملل.

بالإضافة إلى إنه من المهم إنه يتوافر في الحضانة براد لحفظ الأطعمة القابلة للتلف، بالإضافة إلى حليب كل طفل، وكمان من أهم التجهيزات اللي من المهم أن تضعيها في اعتبارك تجهيز غرفة نوم للأطفال الصغار ولابد أن تكون  آمنة مثل أنها تكون مفروشة بالأسفنج، حتى لا يقع الطفل أثناء نومه من مكان عالي مثل السرير.

ومن التجهيزات أيضا أن تكون فصول الأطفال مرسومة برسومات الأطفال، ومجهزة بالكراسي المناسبة لهم مثلا أنها تكون بدون حواف، بالإضافة إلى تجهيز مكتب وكرسي للمعلم، بالإضافة إلى مكيف لسحب الرطوبة من الفصل وتبريده، وتوزيع الإنارة بشكل قوي ومتساوي في جميع أنحاء الفصل.

الإدارة الناجحة لمشروع حضانة الأطفال

وتعتبر دي واحدة من أهم النقط في عمل دراسة متكاملة لمشروع حضانة الأطفال، وده لأنه الإدارة الناجحة للحضانة هي التي تثمر على الحضانة سواء كانت هذه الثمار متعلقة بالعائد المادي، أو من خلال تطوير الأطفال، من كافة النواحي.

هذا بالإضافة إلى أن الإدارة الناجحة للحضانة لها القدرة على الالمام بكافة المجالات الفرعية والرئيسية لمناهج التعليم، مثل أنها تعلم الطفل كيفية غسل يديه بشكل صحيح، والاهتمام بجودة الطعام، وتعليم الطفل اللعب بالألعاب التي تنمي تفكيره مثل ترتيب المكعبات، أو وضع الأشكال الهندسية في مكانها الصحيح.

ده غير أنها بتعلمهم بشكل تدريجي وحسب عمرهم، يعني مش بطريقة عشوائية، يعني بعد تعليمهم الأمور اللي قولنا فوق، بتبدأ تعلمهم الغناء والأرقام، وترتيبهم.

العمالة اللازمة لمشروع الحضانة

في بداية الأمر من الأفضل أن اللي تشغليهم معاكي في الحضانة يكونوا سيدات، وده لأنهم أكثر قدرة على التعامل مع الأطفال وأكثر صبرا من الرجال، وفي الأول ممكن يكونوا يقتصروا على ثلاثة أو أربع معلمات، و2 من عاملات النظافة لأصطحاب الأطفال عند دخول الحمام، ولتنظيف الحضانة، بالإضافة إلى سائق لنقل الأطفال من وإلى الحضانة، ويفضل أن تكون في ممرضة للاسعافات الأولية.

والحاجة المهمة اللي لازم تعرفيها أنه العدد بيختلف حسب مساحة الروضة، يعني لو مساحتها كبيرة أكيد هتحتاج عدد أكبر من ده بكتير، علشان تقدر تغطي احتياجات كل الأطفال.

شروط الترخيص لفتح حضانة أطفال

في مجموعة من الشروط اللي واجب توافرها علشان تقدري تفتحي حضانة أطفال، واللي منها:-

• تقديم رسم هندسي للحضانة، ولازم يكون صادر من مكتب هندسي.
• تقديم عقد ايجار لمكان الحضانة أو سند ملكية.
• تقديم صورة عن الهوية الشخصية.
• تقديم شهاردة براءة ذمة للعقار اللي هيتم فيه فتح الحضانة.
• إجراء كشف مبدئي على الحضانة والموافقة بشكل مبدئي.
• يتم تقديم كافة الأوراق السابق ذكرها إلى مجلس المدينة، والتي يتم الكشف عنها من قبلهم للتأكد من صحة المعلومات، وبعدها بيتم منحك ترخيص مبدئي لفتح الحضانة ثم الترخيص النهائي

إقرأ أيضا: الانطوائية عند الأطفال .. الأعراض والأسباب وطرق العلاج

بعض الأفكار المميزة لضمان نجاح الحضانة

في بعض الأفكار اللي ممكن تستعيني بيها من أجل ضمان فتح الحضانة واللي منها:-

• عمل حملة إعلانية كبيرة بتكون بتوضح أهم مميزات الحضانة وطرق العناية والتعقيم فيها.
• شكل طريقة الاهتمام بالطفل داخل الحضانة، ودي لأنها أهم حاجة بتهم الأطفال، بالإضافة لمجموعة الألعاب الموجودة فيها.
• نشر صور في الحملة الإعلانية للحضانة من الداخل، واللي بتوضح مدى اهتمام الحضانة بالديكورات اللي بتجذب الأطفال.
• من أهم العوامل اللي ممكن تخلي الحضانة مميزة إنك تعملي حمام سباحة فيها بعمق منخفض، وده لتعليم الأطفال السباحة في فصل الصيف في الإجازة، أو من خلال حصص مخصصة لذلك.
• توفير ببغاء متكلم في الحضانة.

كده يكون انتهينا من مقالنا عمل دراسة متكاملة لمشروع حضانة الأطفال واللي ذكرنا فيه أهمية اختيار المكان الجغرافي للحضانة، واختيار المبنى المناسب سواء كان عقار ملك أو ايجار وتهيئته للحضانة، وأهم الأدوات التي يمكن أن تحتاجها الحضانة زي الألوان والمقاعد، والمكاتب، وأهم الأوراق الملطوبة لفتح الحضانة والحصول على الترخيص، وأخيرا ذكر أهم الأفكار التي تساعد على نجاح الحضانة.

بعد أن تعرفتي عزيزتي على كل الشروط لفتح الحضانة، هل تودي أن تقوم بفتح مشروع حضانة أطفال.

كتبت: شيماء عبدالباقي